ಭುಜಗಳಿಗೆ ಶಕ್ತಿ ಬರಲು ಬಕಾಸನ

ಅರ್ಥ: ಬಕ ಎಂದರೆ ಒಂದು ಪಕ್ಷಿ. ಈ ಪಕ್ಷಿಗೆ ಕಾಲುಗಳು ಉದ್ದವಾಗಿದ್ದು ಕಾಲುಗಳ ಮೇಲ್ಭಾಗ ಚಿಕ್ಕದಾಗಿರುತ್ತದೆ. ತನ್ನ ಆಹಾರಕ್ಕಾಗಿ ಸದಾ ಕಾಯುವ ಈ ಪಕ್ಷಿ ಬಕಪಕ್ಷಿ ಎಂದೇ ಪ್ರಸಿದ್ಧಿಯಾಗಿದೆ. ಆ ಪಕ್ಷಿಯನ್ನು ಹೋಲುವ ಈ ಆಸನಕ್ಕೆ ಬಕಾಸನ ಎಂದು ಹೆಸರು.

ಮಾಡುವ ವಿಧಾನ: ಮೊದಲು ನೇರವಾಗಿ ನಿಂತುಕೊಳ್ಳಿ. ನಂತರ ಮುಂದೆ ಬಗ್ಗಿ ಎರಡು ಹಸ್ತಗಳನ್ನು ನೆಲಕ್ಕೆ ತಾಗಿಸಿ. ಸ್ವಲ್ಪ ಮೊಣಕೈಗಳನ್ನು ಮಡಿಸಿ ರಟ್ಟೆಯ ಮೇಲೆ ಮಂಡಿಗಳು ಬರುವ ಹಾಗೆ ಇಡಿ. ಕಾಲ್ಬೆರಳುಗಳು ನೆಲಕ್ಕೆ ತಾಗಿರಲಿ. ಈಗ ನಿಧಾನವಾಗಿ ನೆಲದಲ್ಲಿರುವ ಕಾಲ್ಬೆರಳುಗಳನ್ನು ಮೇಲಕ್ಕೆತ್ತಿ. ಎರಡು ಪಾದಗಳನ್ನು ಮೇಲಕ್ಕೆತ್ತಿ. ಮಂಡಿಗಳು ರಟ್ಟೆಯ ಮೇಲೆ ಇರಲಿ. ಹಾಗೆಯೇ ನಿಧಾನವಾಗಿ ಪಾದಗಳನ್ನು ಕೆಳಗಿಳಿಸಿ. ಈಗ ಕಾಲುಗಳನ್ನು ಮುಂದೆ ಚಾಚಿ ವಿಶ್ರಾಂತಿ ಪಡೆಯಿರಿ.

ಉಪಯೋಗ: -ಈ ಆಸನ ಮಾಡುವುದರಿಂದ ಹಸ್ತ, ಕೈಯ ಮಣಿಗಂಟು, ಮೊಣಕೈ, ರಟ್ಟೆ, ಭುಜಗಳಿಗೆ ಶಕ್ತಿ ಬರುತ್ತದೆ.

-ಕಿಬ್ಬೊಟ್ಟೆಯ ಭಾಗ ಒತ್ತಲ್ಪಟ್ಟು ಅಲ್ಲಿನ ಅವಯವಗಳು ಹುರುಪು ಪಡೆಯುವವು.