ಕೂದಲು ಉದುರುವಿಕೆಯನ್ನು ಗುರುತಿಸಿ

ಮಹಿಳೆಯರು ಕೂದಲು ಉದುರುವಿಕೆಯ ಲಕ್ಷಣಗಳನ್ನು ಆರಂಭಿಕ ಹಂತದಲ್ಲೇ ತಿಳಿದುಕೊಳ್ಳುವುದು ಹೇಗೆ ಎಂಬ ಬಗ್ಗೆ ಟ್ರೈಕಾಲಜಿಸ್ಟ್‌ ಡಾ. ಶಹೀದ್‌ ಶಂಶೇರ್‌ ಇಲ್ಲಿ ಮಾಹಿತಿ ನೀಡಿದ್ದಾರೆ.

(ತಲೆ ನೀರಿನಿಂದ ಒದ್ದೆಯಾಗಿದ್ದಾಗ, ಎಣ್ಣೆ ಹಾಕಿದ್ದಾಗ ಅಥವಾ ಬಿಸಿಲಿನಲ್ಲಿ ನಿಂತಾಗ ಕೂದಲು ತೆಳ್ಳಗಾಗುವ ಲಕ್ಷಣಗಳು ನಿಮಗೆ ಆಗಾಗ ಗೋಚರವಾಗುತ್ತವೆ. ಆಗ ಈ ಚಿತ್ರದಲ್ಲಿರುವಂತೆ ಕಾಣಿಸುತ್ತದೆ.)

ಇತರ ಲಕ್ಷಣಗಳು: ಆನುವಂಶೀಯ ಕಾರಣಗಳು ಮತ್ತು ಹಾರ್ಮೋನ್‌ ಸಂಬಂಧಿ ಸಮಸ್ಯೆಗಳು ಇದಕ್ಕೆ ಕಾರಣಗಳು. ನಿಮ್ಮ ತಾಯಿಗೆ ಕೂದಲು ತೆಳುವಾಗುವ ಸಮಸ್ಯೆ ಇದ್ದಲ್ಲಿ ಅಥವಾ ನಿಮ್ಮ ತಿಂಗಳ ಮುಟ್ಟಿನ ಅವಧಿ ಏರುಪೇರಾಗುತ್ತಿದ್ದಲ್ಲಿ ನಿಮಗೂ ಕೂದಲು ತೆಳುವಾಗಬಹುದು. ಇದಲ್ಲದೆ ಬೊಕ್ಕತಲೆಯ ಈ ಸಮಸ್ಯೆ ಪ್ರತಿ ತಲೆಮಾರಿನಲ್ಲೂ ಕಂಡು ಬರದೇ ಇರುವ 'ಲೀನಿಯರ್‌ ಜೆನೆಟಿಕ್ಸ್‌' ಎಂಬ ಆಂಶವೂ ಇದೆ. ಇದರಲ್ಲಿ ಪ್ರತಿ ಎರಡು ಅಥವಾ ಮೂರನೇ ತಲೆಮಾರಿನಲ್ಲಿ ಈ ಸಮಸ್ಯೆ ಕಾಣಿಸಿಕೊಳ್ಳಬಹುದು. ಇದರಂತೆ ನಿಮಗೆ ಕೂದಲು ತೆಳುವಾಗುವಿಕೆಯ ಸಮಸ್ಯೆ ಇದ್ದಲ್ಲಿ ಅದು ನಿಮ್ಮ ಮುತ್ತಾತ ಅಥವಾ ಮುತ್ತಜ್ಜಿಯ ಸಹೋದರ ಸಹೋದರಿಯರಲ್ಲಿ ಇದ್ದಿರಬಹುದು. ಅದೇ ರೀತಿ ಈಗ ನಿಮ್ಮಲ್ಲಿದ್ದರೂ ನಿಮ್ಮ ಸಹೋದರ, ಸಹೋದರಿಯಲ್ಲಿ ಕಾಣದೇ ಇರಬಹುದು.

ಸಂಪರ್ಕ: ಡಾ. ಶಾಹಿದ್‌