ಮುಂಬಯಿ: ಹೊಸ ವರ್ಷದಲ್ಲಿ ಮತ್ತೆ ವಿವಾದಿತ ಟೀಸರ್‌ ಗೃಹ ಸಾಲವನ್ನು ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾ(ಎಸ್‌ಬಿಐ) ಮತ್ತೆ ಪರಿಚಯಿಸಿದೆ. ಮೊದಲ ಕೆಲವು ವರ್ಷಗಳು ಕಡಿಮೆ ಬಡ್ಡಿ ದರಕ್ಕೆ ನೀಡುವ ಸಾಲವನ್ನು ಟೀಸರ್‌ ಗೃಹ ಸಾಲವೆಂದು ಕರೆಯಲಾಗುತ್ತದೆ. ನಿರ್ದಿಷ್ಟ ವರ್ಷಗಳ ನಂತರ ಹೆಚ್ಚಿನ ಫ್ಲೋಟಿಂಗ್‌ ಬಡ್ಡಿ ದರಗಳು ಈ ಯೋಜನೆಗೆ ಅನ್ವಯವಾಗುತ್ತದೆ. 2010ರಲ್ಲಿ ಈ ಸಾಲವನ್ನು ಆರಂಭಿಸಿದ್ದ ಎಸ್‌ಬಿಐ, ನಂತರ ನಿಲ್ಲಿಸಿತ್ತು. ಈಗ ಮತ್ತೆ ಚಾಲನೆ ನೀಡಿದೆ. ಗ್ರಾಹಕರು 30 ಲಕ್ಷ ರೂ. ವರೆಗೆ ಟೀಸರ್‌ ಗೃಹ ಸಾಲವನ್ನು ಪಡೆಯಬಹುದಾಗಿದ್ದು, ಮೊದಲ ಎರಡು ವರ್ಷಗಳು ಬಡ್ಡಿ ದರವು ಶೇ.8.55ರಷ್ಟು ನಿಶ್ಚಿತವಾಗಿರುತ್ತದೆ. ನಂತರದ ಅವಧಿಯಲ್ಲಿ ಫ್ಲೋಟಿಂಗ್‌ ಬಡ್ಡಿ ದರಕ್ಕೆ ಇದನ್ನು ಹೊಂದಿಸಲಾಗುತ್ತದೆ. ಮಹಿಳಾ ಗ್ರಾಹಕಿಯರಿಗೆ ಮೊದಲ ಎರಡು ವರ್ಷ ಬಡ್ಡಿ ದರವು ಶೇ.8.5ರಷ್ಟು ನಿಗದಿಯಾಗಿರುತ್ತದೆ ಎಂದು ಎಸ್‌ಬಿಐ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ. ಬಡ್ಡಿ ದರಗಳ ಏರಿಳಿತಗಳಿಂದ ಆತಂಕಗೊಳ್ಳುವ ಗ್ರಾಹಕ ಈ ಯೋಜನೆಯನ್ನು ಆಯ್ಕೆ ಮಾಡಿಕೊಳ್ಳಬಹುದಾಗಿದೆ.
↧
ಎಸ್‌ಬಿಐನಿಂದ ಮತ್ತೆ ಟೀಸರ್‌ ಹೋಮ್‌ ಲೋನ್‌
↧