ಹೊಸದಿಲ್ಲಿ: ಕಳೆದ ನಾಲ್ಕು ದಿನಗಳಿಂದ ಏರಿಕೆಯ ಹಾದಿಯಲ್ಲಿದ್ದ ಚಿನ್ನದ ದರವು ಶನಿವಾರ 10 ಗ್ರಾಮ್‌ಗೆ 200 ರೂ. ಕುಸಿದಿದ್ದು, 28,300 ರೂ. ತಲುಪಿದೆ. ಅಂತಾರಾಷ್ಟ್ರೀಯ ಮಾರುಕಟ್ಟೆ ಪ್ರಭಾವ ಮತ್ತು ದೇಶೀಯವಾಗಿ ಜ್ಯುವೆಲ್ಲರ್‌ಗಳಿಂದ ಬೇಡಿಕೆ ಕುಸಿದಿರುವುದು ದರ ಇಳಿಕೆಗೆ ಪ್ರಮುಖ ಕಾರಣ. ಬೆಳ್ಳಿ ಸಹ 1 ಕೆ.ಜಿಗೆ 500 ರೂ. ಇಳಿಕೆಯಾಗಿದ್ದು, 39,400 ರೂ. ಮುಟ್ಟಿದೆ. ನಾಣ್ಯ ತಯಾರಕರು ಮತ್ತು ಉದ್ಯಮ ಘಟಕಗಳಿಂದ ಬೇಡಿಕೆ ಕುಸಿದಿದ್ದು, ಬೆಳ್ಳಿ ದರ ಕುಸಿದಿದೆ. ಸುರಕ್ಷಿತ ಹೂಡಿಕೆ ಎನ್ನಲಾದ ಚಿನ್ನವು 2016ರಲ್ಲಿ ಅನೇಕ ಸಂದರ್ಭಗಳಲ್ಲಿ ಕುಸಿದಿದೆ. ನ.9ರಂದು 31,750 ರೂ. ತಲುಪಿ ಗರಿಷ್ಠ ಮಟ್ಟ ಮುಟ್ಟಿದ್ದ ಚಿನ್ನವು 2016ರ ಜನವರಿ 1ರಂದು 25,390 ರೂ.ನ ಕನಿಷ್ಠ ಮಟ್ಟ ಮುಟ್ಟಿತ್ತು. ಚಿನ್ನಕ್ಕಿಂತ ಬೆಳ್ಳಿಯೇ ಬೆಸ್ಟ್‌! 2016ರಲ್ಲಿ ಚಿನ್ನವು 10 ಗ್ರಾಂಗೆ 2,910 ರೂ. ಅಥವಾ ಶೇ.11.46ರಷ್ಟು ಏರಿಕೆಯಾಗಿದೆ. ಬೆಳ್ಳಿಯು 6,100 ರೂ. ಏರಿಕೆಯಾಗಿದ್ದು, ಶೇ.19ರಷ್ಟು ಹೆಚ್ಚಳವಾಗಿದೆ.
↧
ವರ್ಷಾಂತ್ಯದಲ್ಲಿ ಚಿನ್ನದ ದರ ಅಲ್ಪ ಇಳಿಕೆ
↧