ಬೆಂಗಳೂರು: ಆ್ಯಪಲ್‌ ಕಂಪನಿಯು ಬೆಂಗಳೂರಿನ ಪೀಣ್ಯದಲ್ಲಿ ಐಫೋನ್‌ಗಳನ್ನು ತಯಾರಿಸಲು ಸಿದ್ಧತೆ ನಡೆಸುತ್ತಿದೆ ಎಂದು ಮೂಲಗಳು ತಿಳಿಸಿವೆ. ತೈವಾನ್‌ ಮೂಲದ ವಿಸ್ಟ್ರೋನ್‌ ಎಂಬ ಕಂಪನಿಯು (ಒಇಎಂ) ಆ್ಯಪಲ್‌ಗೆ ಐಫೋನ್‌ಗಳನ್ನು ಮಾಡಿಕೊಡುತ್ತಿದ್ದು, ಈ ಕಂಪನಿಯು ಪೀಣ್ಯ ಕೈಗಾರಿಕಾ ಪ್ರದೇಶದಲ್ಲಿ, ಮುಂದಿನ ಏಪ್ರಿಲ್‌ ವೇಳೆಗೆ ಐಫೋನ್‌ಗಳನ್ನು ತಯಾರಿಸುವ ಬಗ್ಗೆ ಗಂಭೀರವಾಗಿ ಪರಿಶೀಲಿಸುತ್ತಿವೆ ಎಂದು ಮೂಲಗಳು ತಿಳಿಸಿವೆ. ಆ್ಯಪಲ್‌ ಐಫೋನ್‌ ಅನ್ನು ಆಮದು ಮಾಡಿಕೊಳ್ಳುವುದರಿಂದ ಶೇ.12.5ರಷ್ಟು ಹೆಚ್ಚುವರಿ ಆಮದು ಸುಂಕ ವೆಚ್ಚ ತಗ್ಗಲಿದೆ. ಹೀಗಾಗಿ ದರವನ್ನು ಕಡಿಮೆ ಮಾಡಲು ಕಂಪನಿಗೆ ಸಹಾಯಕವಾಗಲಿದೆ. ಒಂದೊಮ್ಮೆ ಆ್ಯಪಲ್‌ ಐಫೋನ್‌ ಬೆಂಗಳೂರಿನಲ್ಲಿ ತಯಾರಿಕೆಯನ್ನೂ ಆರಂಭಿಸಿದರೆ, ಬೆಂಗಳೂರಿನ ಮಟ್ಟಿಗೆ ಆ್ಯಪಲ್‌ನ ಎರಡನೇ ದೊಡ್ಡ ಕೊಡುಗೆಯಾಗಲಿದೆ. ಕಳೆದ ಮೇ ತಿಂಗಳಿನಲ್ಲಿ ಕಂಪನಿಯು ಬೆಂಗಳೂರಿನಲ್ಲಿ ತನ್ನ ಆ್ಯಪ್‌ ಡಿಸೈನ್‌ ಮತ್ತು ಅಭಿವೃದ್ಧಿ ಕೇಂದ್ರವನ್ನು ಘೋಷಿಸಿತ್ತು. ಆ್ಯಪಲ್‌ ತನ್ನ ಒಇಎಂನ ಬೆಂಗಳೂರು ಘಟಕದಲ್ಲಿ ಕೆಲವು ಪ್ರಮುಖ ಹುದ್ದೆಗಳಿಗೆ ನೇಮಕಾತಿ ನಡೆಯಲಿದೆ ಎಂದು ತಿಳಿಸಿದೆ.
↧
ಬೆಂಗಳೂರಿನಲ್ಲಿ ಐಫೋನ್‌ ತಯಾರಿಸಲು ಆ್ಯಪಲ್‌ ಯೋಜನೆ
↧