ಎಎಫ್‌ಪಿ ಲಾ ಯೂನಿಯನ್‌ (ಕೊಲಂಬಿಯಾ): ಕೊಲಂಬಿಯಾದ ಪರ್ವತ ಶ್ರೇಣಿಗಳ ನಡುವೆ ಪತನಗೊಂಡ ಎಲ್‌ಎಮ್‌ಐ 2933 ಚಾರ್ಟರ್‌ ವಿಮಾನದಲ್ಲಿದ್ದ ಬ್ರೆಜಿಲ್‌ನ ಪ್ರಥಮ ದರ್ಜೆ ಫುಟ್ಬಾಲ್‌ ಕ್ಲಬ್‌ ತಂಡದ ಆಟಗಾರರನ್ನು ಒಳಗೊಂಡಂತೆ ಒಟ್ಟಾರೆ 71 ಮಂದಿ ಮೃತಪಟ್ಟರು. ಇದೇ ವಿಮಾನದಲ್ಲಿ ವಾರದ ಹಿಂದಷ್ಟೇ ವಿಶ್ವ ಶ್ರೇಷ್ಠ ಫುಟ್ಬಾಲ್‌ ಆಟಗಾರ ಲಿಯೋನೆಲ್‌ ಮೆಸ್ಸಿ ಕೂಡ ಪ್ರಯಾಣಿಸಿದ್ದರು ಎಂಬುದು ಇದೀಗ ಬೆಳಕಿಗೆ ಬಂದಿದೆ. ಬೊಲಿವಿಯಾದ ಸ್ಯಾಂಟಾ ಕ್ರೂಜ್‌ನಿಂದ ಹೊರಟ ವಿಮಾನ ಸೋಮವಾರ ರಾತ್ರಿ 10 ಗಂಟೆ ಸುಮಾರಿಗೆ ತಾಂತ್ರಿಕ ತೊಂದರೆಯಿಂದಾಗಿ ಪತನಗೊಂಡಿತು. ಅದೃಷ್ಠ ರೀತಿಯಲ್ಲಿ ಮೂರು ಮಂದಿ ಫುಟ್ಬಾಲ್‌ ಆಟಗಾರರು ಈ ದುರ್ಘಟನೆಯಲ್ಲಿ ಬದುಕುಳಿದಿದ್ದಾರೆ. ಬ್ರೆಜಿಲ್‌ನ ಚೇಪ್‌ಕೊಯೆನ್ಸ್‌ ರಿಯಲ್‌ ಕ್ಲಬ್‌ ತಂಡದ ಗೋಲ್‌ಕೀಪರ್‌ ಘಟನೆಯಲ್ಲಿ ಬದುಕುಳಿದರಾದರೂ, ಚಿಕಿತ್ಸೆ ಸಲುವಾಗಿ ಆಸ್ಪತ್ರೆಗೆ ಸಾಗಿಸುವ ವೇಳೆ ಕೊನೆಯುಸಿರೆಳೆದರು. ಇದೇ ವಿಮಾನದಲ್ಲಿ ಎರಡು ವಾರದ ಹಿಂದೆÜ ವಿಶ್ವಕಪ್‌ ಟೂರ್ನಿಯ ಅರ್ಹತಾ ಸುತ್ತಿನ ಪಂದ್ಯವನ್ನಾಡಲು ಅರ್ಜೇಂಟೀನಾದ ತಾರೆ ಎಫ್‌ಸಿ ಬಾರ್ಸಿಲೋನಾ ಆಟಗಾರ ಲಿಯೋನೆಲ್‌ ಮೆಸ್ಸಿ ಮತ್ತು ಅರ್ಜೆಂಟೀನಾ ರಾಷ್ಟ್ರೀಯ ಫುಟ್ಬಾಲ್‌ ತಂಡ ಸ್ಯಾನ್‌ ಜುವಾನ್‌ಗೆ ಪ್ರಯಾಣ ಬೆಳೆಸಿತ್ತು ಎಂಬುದು ವೈಮಾನಿಕ ಹಾರಾಟ ದಾಖಲೆಗಳಿಂದ ಪತ್ತೆಯಾಗಿದೆ.
↧
ಪತನಗೊಂಡ ವಿಮಾನದಲ್ಲಿ ವಾರದ ಹಿಂದೆ ಮೆಸ್ಸಿ ಪ್ರಯಾಣಿಸಿದ್ದರು
↧