ಅಬುಧಾಬಿ: ಹಾಲಿ ಚಾಂಪಿಯನ್‌ ಲೂಯಿಸ್‌ ಹ್ಯಾಮಿಲ್ಟನ್‌ ಪ್ರಸಕ್ತ ಸಾಲಿನ ಕೊನೆಯ ರೇಸ್‌ ಎನಿಸಿರುವ ಅಬುಧಾಬಿ ಗ್ರ್ಯಾನ್‌ ಪ್ರಿ ಅರ್ಹತಾ ಸುತ್ತಿನಲ್ಲಿ ಮೊದಲ ಸ್ಥಾನ ಅಲಂಕರಿಸಿದ್ದಾರೆ. ಶನಿವಾರ ನಡೆದ ಅರ್ಹತಾ ಸುತ್ತಿನ ರೇಸ್‌ನಲ್ಲಿ ಮಿಂಚಿದ ಹ್ಯಾಮಿಲ್ಟನ್‌ ಮೊದಲ ಸ್ಥಾನ ಗಳಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಹೀಗಾಗಿ ನಿಕೊ ರಾಸ್ಬರ್ಗ್‌ಗೆ ಪ್ರಶಸ್ತಿ ಉಳಿಸಿಕೊಳ್ಳಲು ಸಹಜವಾಗಿಯೇ ಒತ್ತಡ ಹೆಚ್ಚಾಗಿದೆ. ರೆಡ್‌ಬುಲ್‌ ತಂಡದ ಡೇನಿಯೆಲ್‌ ರಿಕಿಯಾರ್ಡೊ ರಾಸ್ಬರ್ಗ್‌ ಹಿಂದಿನ ಸ್ಥಾನ ಗಳಿಸುವ ಮೂಲಕ ಮೂರನೇ ಸ್ಥಾನದಲ್ಲಿದ್ದಾರೆ. ಯಸ್‌ ಮರಿನ್‌ ಸರ್ಕಿಟ್‌ನಲ್ಲಿ ನಡೆದ ಅರ್ಹತಾ ಸುತ್ತಿನ ತಂಪಾದ ವಾತಾವರಣದಲ್ಲಿ ಅದ್ಭುತ ಚಾಲನಾ ಕೌಶಲ್ಯ ಮೆರೆದ ಹ್ಯಾಮಿಲ್ಟನ್‌, ಮೂರು ಅರ್ಹತಾ ಸುತ್ತುಗಳಲ್ಲೂ ಪ್ರಭುತ್ವ ಸಾಧಿಸಿದರು. ಹ್ಯಾಮಿಲ್ಟನ್‌ಗೆ ತೀವ್ರ ಸ್ಪರ್ಧೆವೊಡ್ಡಿದ ರಾಸ್ಬರ್ಗ್‌ ಅಲ್ಪದರಲ್ಲಿ ಹಿನ್ನಡೆ ಅನುಭವಿಸಿ ದ್ವಿತೀಯ ಸ್ಥಾನ ಗಳಿಸಿದ್ದಾರೆ.
↧
ಅಬುಧಾಬಿ ಗ್ರ್ಯಾನ್‌ ಪ್ರಿ: ಹ್ಯಾಮಿಲ್ಟನ್‌ಗೆ ಮೊದಲ ಸ್ಥಾನ
↧