ತಮಿಳಿನ ಹಿರಿಯ ನಟಿ ಗೌತಮಿ ಪುತ್ರಿ ಸುಬ್ಬು ಲಕ್ಷ್ಮೇ 'ವಿಐಪಿ-2' ಚಿತ್ರದ ಮೂಲಕ ಸಿನಿಮಾ ರಂಗಕ್ಕೆ ಪ್ರವೇಶ ಮಾಡಲಿದ್ದಾರೆ ಎಂಬ ಸುದ್ದಿ ಹರಡಿತ್ತು. ಅದು ಸುಳ್ಳು ಅಂತಿದ್ದಾರೆ ಸ್ವತಃ ಗೌತಮಿ. ಧನುಷ್‌ ನಟನೆಯ ಈ ಚಿತ್ರದಲ್ಲಿ ತಮ್ಮ ಮಗಳು ನಟಿಸುತ್ತಿಲ್ಲ ಅನ್ನುವುದನ್ನು ಅವರು ಖಚಿತ ಪಡಿಸಿದ್ದಾರೆ. 'ನನ್ನ ಮಗಳ ಮೇಲಿನ ನಿಮ್ಮ ಪ್ರೋತ್ಸಾಹಕ್ಕೆ ಧನ್ಯವಾದಗಳು. ಅವಳಿಗೆ ನಟಿಯಾಗಬೇಕು ಎಂಬ ಯಾವುದೇ ಪ್ಲಾನ್‌ ಇಲ್ಲ' ಎಂದು ಟ್ವಿಟ್‌ ಮಾಡಿದ್ದಾರೆ. ಇತ್ತೀಚೆಗಷ್ಟೆ ಗೌತಮಿ ಮತ್ತು ಕಮಲ್‌ ಹಾಸನ್‌ ತಮ್ಮ 13 ವರ್ಷಗಳ ಲಿವ್‌ ಇನ್‌ ರಿಲೇಷನ್‌ ಸಂಬಂಧಕ್ಕೆ ಇತಿಶ್ರೀ ಹಾಡಿದ್ದರು. ತಮ್ಮ ಮಗಳ ಜತೆ ಸಮಯ ಕಳೆಯುವ ಸಲುವಾಗಿ ನಾನು ಬೇರೆಯಾಗುತ್ತಿದ್ದೇನೆ ಎಂದು ಗೌತಮಿ ಹೇಳಿಕೊಂಡಿದ್ದರು. ಮಗಳನ್ನು ನಟಿ ಮಾಡಲು ಗೌತಮಿ, ಕಮಲ್‌ರಿಂದ ದೂರವಾಗಿದ್ದಾರೆ ಎಂದು ಕಾಲಿವುಡ್‌ ಮಾತಾಡಿಕೊಳ್ಳುವ ಈ ಹೊತ್ತಿನಲ್ಲಿ ವಿಐಪಿ ಸುದ್ದಿ ಚರ್ಚೆಗೆ ಗ್ರಾಸವಾಗಿತ್ತು. ಟ್ವಿಟ್‌ ಮೂಲಕ ಎಲ್ಲ ಚರ್ಚೆಗೂ ನಾಂದಿ ಹಾಡಿದ್ದಾರೆ ಗೌತಮಿ. 2014ರಲ್ಲಿ ಬಿಡುಗಡೆಯಾದ 'ವಿಐಪಿ' ಸಿನಿಮಾ ಧನುಷ್‌ ಅವರ 25 ನೇ ಸಿನಿಮಾವಾಗಿತ್ತು. ಬಾಕ್ಸ್‌ ಆಫೀಸ್‌ನಲ್ಲಿ ಬಹುದೊಡ್ಡ ಹಿಟ್‌ ಆಗಿದ್ದ ಈ ಸಿನಿಮಾವನ್ನು ಕನ್ನಡಕ್ಕೆ ರಿಮೇಕ್‌ ಮಾಡಲಾಗುತ್ತಿದೆ. ಕನ್ನಡದ ಅವತರಣಿಕೆಯಲ್ಲಿ ಕ್ರೇಜಿಸ್ಟಾರ್‌ ರವಿಚಂದ್ರನ್‌ ಅವರ ಪುತ್ರ ಮನೋರಂಜನ್‌ ನಾಯಕರಾಗಿದ್ದಾರೆ.
↧
ವಿಐಪಿ ಅಲ್ವಂತೆ ಗೌತಮಿ ಪುತ್ರಿ
↧