ನವೆಂಬರ್‌ 14,2016 ಮಿಸ್‌ ಮಾಡ್ಕೋಬೇಡಿ, ಒಮ್ಮೆ ಆಕಾಶದತ್ತ ಕಣ್ಣುಹಾಯಿಸಿ.. ದೇಶವಿಂದು ಮಕ್ಕಳ ದಿನಾಚರಣೆಯ ಸಂಭ್ರಮದಲ್ಲಿದೆ. ಮಕ್ಕಳಿಗಾಗಿ ಪ್ರಿಯವಾದ ಚಂದಮಾಮನ ವಿಶ್ವರೂಪ ದರ್ಶನವಾಗಲಿದೆ. 21ನೇ ಶತಮಾನದ ಬೃಹತ್‌ ಚಂದಿರನನ್ನು ಸಂಜೆಯಿಂದಲೇ ನೋಡಬಹುದಾಗಿದೆ. ಅಪರೂಪಕ್ಕೊಮ್ಮೆ ಸೌರಮಂಡಲದಲ್ಲಿ ನಡೆಯುವ ಈ ವಿದ್ಯಮಾನದ ವಿಶೇಷ ಇಲ್ಲಿದೆ. * ದಿನಕ್ಕಿಂತಲೂ ಭೂಮಿಗೆ ಚಂದ್ರ ಅತೀ ಸಮೀಪದಲ್ಲಿ ಕಾಣುವುದು. * ಹತ್ತಿರದ ಕಾರಣ ಗಾತ್ರದಲ್ಲಿ ಶೇ. 90ರಷ್ಟು ದೊಡ್ಡದಾಗಿ ಗೋಚರಿಸುತ್ತದೆ. * ಈ ವಿದ್ಯಮಾನಕ್ಕೆ ವೈಜ್ಞಾನಿಕ ಭಾಷೆಯಲ್ಲಿ ಪೆರಿಜಿ-ಸಿಝಿಜಿ ಎಂದು ಹೆಸರು. 2 ಗಂಟೆ ಗೋಚರ * ಭೂಮಿ-ಚಂದ್ರ-ಸೂರ್ಯನಿರುವ ವ್ಯವಸ್ಥೆಯಲ್ಲಿ ಚಂದ್ರ ಸೂರ್ಯನ ವಿರುದ್ಧ ದಿಕ್ಕಿನಲ್ಲಿ ಅತ್ಯಂತ ಹತ್ತಿರದಲ್ಲಿರುವ ಸಂದರ್ಭ ಈ ಅಂತರಿಕ್ಷ ವಿದ್ಯಮಾನ ಘಟಿಸುತ್ತದೆ. ಪ್ರಜ್ವಲಿಸುವ ಚಂದಿರನ ಸೌಂದರ್ಯವನ್ನು 2 ಗಂಟೆ ಸವಿಯಬಹುದು. ಮೈಕ್ರೋಮೂನ್‌ - ಭೂ ದೂರದ ಬಿಂದು ಸೂಪರ್‌ಮೂನ್‌ - ಭೂ ಸಮೀಪದ ಬಿಂದು ಮತ್ತೆ ನೋಡಲು 2034ರವರೆಗೂ ಕಾಯಬೇಕು ಚಂದ್ರ ಭೂಮಿಗೆ ಅತ್ಯಂತ ಹತ್ತಿರವಾದಾಗ ಪ್ರಖರವಾಗಿ ಮತ್ತು ಬೃಹತ್‌ ಗಾತ್ರದಲ್ಲಿ ಕಾಣುತ್ತಾನೆ, ಇದುವೇ ಸೂಪರ್‌ ಮೂನ್‌. 1948ರ ಬಳಿಕ ಚಂದಿರ ಭೂಮಿಗೆ ಇಷ್ಟೊಂದು ಹತ್ತಿರ ಬರುತ್ತಿರುವುದು ಇದೇ ಮೊದಲು. ಇನ್ನೊಮ್ಮೆ ಇಂಥ ಚೆಲುವನ್ನು ಕಾಣಲು 2034ರ ನವೆಂಬರ್‌ 25ರವರೆಗೆ ಕಾಯಬೇಕು. ಸೌಂದರ್ಯ ಸವಿಯಲು ಹೀಗೆ ಮಾಡಿ... *ಸಾಧ್ಯವಾದಷ್ಟೂ ಕತ್ತಲು ಆವೃತ ಬಯಲು ಪ್ರದೇಶವನ್ನು ಆಯ್ಕೆಮಾಡಿಕೊಳ್ಳಿ. * ಪೂರ್ವಕ್ಕೆ ಮುಖಮಾಡಿದ ಸಮುದ್ರ ತೀರ, ಎತ್ತರದ ಕಟ್ಟಡಗಳಿಂದ ನೋಡಿ. * ಚಿತ್ರ ಸೆರೆಹಿಡಿಯಲು ಕ್ಯಾಮೆರಾ ಬಳಸಿದರೂ ಫ್ಲ್ಯಾಶ್‌ ಹಾಕಬೇಡಿ. ಭಾರತದಲ್ಲಿ ಎಷ್ಟು ಹೊತ್ತಿಗೆ ದರ್ಶನ ಸಂಜೆ 7:22ರ ಸುಮಾರಿಗೆ ಹಿಂದಿನ ಬೃಹತ್‌ ದರ್ಶನ: 1948 ಮುಂದಿನದ್ದು: 2034
↧
ಇಂದು ‘ಸೂಪರ್‌ ಮೂನ್‌’ ದರ್ಶನ
↧