ಕೋಲ್ಕೊತಾ: ಬಂದರು ನಗರಿಯ ವಾಣಿಜ್ಯ ಪ್ರದೇಶದಲ್ಲಿ ಎರಡು ಮೂಟೆಯಷ್ಟು 500/1000 ರೂ. ಮುಖಬೆಲೆಯ ಹರಿದ ನೋಟುಗಳು ಪತ್ತೆಯಾಗಿವೆ. ಚಿಂದಿ ಚಿಂದಿಯಾದ ಸ್ಥಿತಿಯಲ್ಲಿದ್ದ ಎರಡು ಮೂಟೆಗಳಷ್ಟು ದೊಡ್ಡ ಮೊತ್ತದ ನೋಟುಗಳು ಗಾಲ್ಫ್‌ ಕ್ಲಬ್‌ ರಸ್ತೆಯಲ್ಲಿರುವ ಕಸದ ಬುಟ್ಟಿಯಲ್ಲಿ ಎಸೆಯಲಾಗಿತ್ತು. ದಾರಿಹೋಕರು ನೋಡಿ ಪೊಲೀಸರಿಗೆ ವಿಷಯ ಮುಟ್ಟಿಸಿದ್ದು, ಈ ಬಗ್ಗೆ ತನಿಖೆ ಕೈಗೊಂಡಿದ್ದಾರೆ. ಇವು ಖೋಟಾ ನೋಟೋ ಇಲ್ಲವೋ ಅಸಲಿಯೋ ಎಂದು ಪತ್ತೆ ಹಚ್ಚುವಂತೆ, ಸಂಬಂಧಪಟ್ಟ ಅಧಿಕಾರಿಗಳಿಗೆ ಸೂಚಿಸಲಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ. ಕೆಲ ದಿನಗಳ ಹಿಂದಷ್ಟೇ ಗಂಗಾ ನದಿಯಲ್ಲಿಯೂ ಹರಿದ ನೋಟುಗಳು ತೇಲಿಬಂದಿದ್ದವು. ಈ ಪ್ರಕರಣದ ನಂತರ ಮತ್ತೆ ಹರಿದ ನೋಟುಗಳ ರಾಶಿ ಕಂಡುಬಂದಿರುವುದು ಹಲವು ಅನುಮಾನಗಳಿಗೆ ಎಡೆಮಾಡಿಕೊಟ್ಟಿದೆ. ರೈಲಿನಲ್ಲಿ ಹಣದ ಕಂತæ: ರೈಲುಗಳಲ್ಲಿ ನಿಷೇಧಿತ ನೋಟುಗಳ ಕಂತೆಗಳನ್ನು (ಸುಮಾರು 98.50 ಲಕ್ಷ ರೂ. ಮೌಲ್ಯ) ಸಾಗಿಸುತ್ತಿದ್ದ ಘಟನೆ ಪಟನಾ ಜಿಲ್ಲೆಯ ದಾನಪುರ ವ್ಯಾಪ್ತಿಯಲ್ಲಿ ನಡೆದಿದೆ. ದಾನಪುರ-ಉದ್ನಾ ಎಕ್ಸ್‌ಪ್ರೆಸ್‌ ರೈಲಿನ ಹವಾನಿಯಂತ್ರಿತ ಬೋಗಿಯಲ್ಲಿ ಸಾಗಿಸಲಾಗುತ್ತಿದ್ದ 500/1000 ರೂ. ನೋಟುಗಳನ್ನು ಪತ್ತೆ ಹಚ್ಚಿದ ರೈಲ್ವೆ ಪೊಲೀಸರು ಅದನ್ನು ವಶಕ್ಕೆ ಪಡೆದು ನಾಲ್ವರ ವಿರುದ್ಧ ವಿಚಾರಣೆ ಕೈಗೊಂಡಿದ್ದಾರೆ.
↧
ಎರಡು ಮೂಟೆ ಹರಿದ ನೋಟು ಪತ್ತೆ
↧