ಇಂದು ಹಣ, ಹೆಸರು ಮಾಡುವ ಉದ್ದೇಶದಿಂದ ಜನರು ಯಾವಾಗಲು ಇದರ ಬಗ್ಗೆಯೇ ಚಿಂತಿಸುತ್ತಿರುತ್ತಾರೆ. ನಿವೃತ್ತಿ ವಯಸ್ಸಿಗೆ ಸಾಕಷ್ಟು ಹಣ ಸಂಪಾದನೆ ಮಾಡಬೇಕು ಎಂಬ ಗುರಿಯನ್ನು ಹೊಂದಿರುತ್ತಾರೆ. ಹೀಗಾಗಿ ಆರೋಗ್ಯದ ಕಡೆ ಗಮನ ಕೊಡುವುದೇ ಇಲ್ಲ.
ಒಂದೆಡೆ ಆರೋಗ್ಯಕರ ಜೀವನವನ್ನು ಮಾಡಬೇಕೆಂದು ಹೇಳುತ್ತಾ ಅನೇಕ ಜನರು ಹಲವಾರು ತಪ್ಪುಗಳನ್ನು ಮಾಡುತ್ತಿರುತ್ತಾರೆ. ಆ ತಪ್ಪುಗಳು ಈ ರೀತಿ ಇವೆ.
ಅತಿ ಭಾರದ ಬ್ಯಾಗ್‌ ಎತ್ತುವುದು:
ನಾವು ಮಾಡುವ ಅಪಾಯಕಾರಿ ತಪ್ಪುಗಳ ಪೈಕಿ ಇದೂ ಒಂದು. ಅದೂ ಅಲ್ಲದೆ ದೀರ್ಘ ಕಾಲ ಈ ತಪ್ಪುಗಳನ್ನು ಮಾಡುವುದು. ವೃತ್ತಿ ಜೀವನದಲ್ಲಿ ಮಾಡುವ ದೊಡ್ಡ ತಪ್ಪೆಂದರೆ ನಿಮ್ಮ ಬ್ಯಾಗ್‌. ಅತಿ ಭಾರದ ಬ್ಯಾಗ್‌ ಅನ್ನು ಕ್ಯಾರಿ ಮಾಡುವುದರಿಂದ ಭುಜ ಮತ್ತು ಬೆನ್ನಿನ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ತೀವ್ರವಾದ ಬೆನ್ನು ನೋವಿಗೂ ಕಾರಣವಾಗುತ್ತದೆ. ಆದರೆ ಇದನ್ನು ನೀವು ನಿರಂತರವಾಗಿ ನಿರ್ಲಕ್ಷಿಸುತ್ತಿರುವಿರಿ. ಇದು ಸ್ಪಾಂಡಿಲೈಟಿಸ್‌, ಕತ್ತು ನೋವು ಮತ್ತು ತೀವ್ರವಾದ ಮೊಣಕಾಲು ನೋವಿಗೆ ಕಾರಣವಾಗಬಹುದು.
ಊಟ ಬಿಡುವುದು:
ಕೆಲಸದ ಒತ್ತಡದ ನಡುವೆ ನೀವು ಅನೇಕ ವಿಷಯಗಳನ್ನು ಮರೆತೇ ಬಿಡುತ್ತೀರಿ. ಉದಾಹರಣೆಗೆ ವಾಶ್‌ರೂಮ್‌ಗೆ ಹೋಗುವುದು, ನೀರು ಕುಡಿಯುವುದು, ಬ್ರೇಕ್‌ ತೆಗೆದುಕೊಂಡು ನಡೆದಾಡುವುದು ಮತ್ತು ಇನ್ನೊಂದು ಪ್ರಮುಖವಾದ ವಿಷಯವೆಂದರೆ ಊಟ ಬಿಡುವುದು. ಬೆಳಗ್ಗೆ ಮನೆಯಲ್ಲಿ ಎಲ್ಲ ಕೆಲಸ ಮಾಡಿ ಕಚೇರಿಗೆ ತೆರಳುವ ಧಾವಂತದಲ್ಲಿ ಅನೇಕ ಜನರು ಬೆಳಗ್ಗಿನ ಉಪಾಹಾರವನ್ನೇ ಬಿಡುತ್ತಾರೆ. ಇನ್ನು ಅನೇಕ ಜನರು ಮೀಟಿಂಗ್‌ ಮತ್ತು ಇನ್ನಿತರ ಹಲವಾರು ಕೆಲಸಗಳಿವೆ ಎಂದು ಮಧ್ಯಾಹ್ನದ ಊಟವನ್ನೇ ಬಿಡುತ್ತಾರೆ. ಇದು ಕರುಳಿನ ಮೇಲೆ ತ್ರೀವ ಹಾನಿ ಉಂಟು ಮಾಡುತ್ತದೆ ಮತ್ತು ಜೀರ್ಣಕ್ರಿಯೆಯ ವ್ಯವಸ್ಥೆಯನ್ನು ಕೂಡ ಹಾಳು ಮಾಡುತ್ತದೆ.
ಸರಿಯಾಗಿ ನಿದ್ರೆ ಮಾಡದಿರುವುದು ಅಥವಾ ತಪ್ಪು ಭಂಗಿ
ಹೊಸ ಪೀಳಿಗೆಯಲ್ಲಿ ಬೆನ್ನು ನೋವಿನ ಸಮಸ್ಯೆ ತೀರಾ ಸಾಮಾನ್ಯವಾಗಿದೆ. ಜಡಭರಿತವಾದ ಕೆಲಸದ ಮಾದರಿ ಮತ್ತು ವ್ಯಾಯಾಮಕ್ಕೆ ಕೂಡ ಕಡಿಮೆ ಆದ್ಯತೆ ಕೊಡುವುದರಿಂದ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ. ಇವೆಲ್ಲಗಿಂತ ಪ್ರಮುಖವಾಗಿ ಸಾಕಷ್ಟು ಅವಧಿ ಕಾಲ ನಿದ್ರೆ ಮಾಡದಿರುವುದು, ಕನಿಷ್ಠ ಎಂಟು ಗಂಟೆ ನಿದ್ರೆ ಮಾಡುವುದು ಉತ್ತಮ ಆರೋಗ್ಯಕ್ಕೆ ಅಗತ್ಯವಾಗಿದೆ. ಅದಕ್ಕಿಂತಲೂ ಮಿಗಿಲಾಗಿ ಜೋತುಬಿದ್ದಂತೆ ಅಥವಾ ಮುದುಡಿಕೊಂಡು ಮಲಗುವುದು ತಪ್ಪು ಭಂಗಿ. ಇದು ಬೆನ್ನು ಮತ್ತು ಕತ್ತು ನೋವಿನ ಸಮಸ್ಯೆಯನ್ನು ಉಂಟು ಮಾಡುತ್ತದೆ.
ಕಾರ್ಯವ್ಯಸನಿಯಾಗಿರುವುದು :
ಯುವಕರಾಗಿದ್ದಾಗ ಗರಿಷ್ಠಮಟ್ಟದಲ್ಲಿ ಕೆಲಸ ಮಾಡುವುದು ಮತ್ತು ನಿವೃತ್ತಿ ವಯಸ್ಸಿಗೂ ಮುನ್ನ ನಿವೃತ್ತಿ ಹೊಂದುವುದನ್ನು ನಾವು ಕಾಣುತ್ತಿರುತ್ತೇವೆ. ಕಾರ್ಯವ್ಯಸನಿಯಾಗಿರುವುದು ನಿಜವಾಗಿಯೂ ಉತ್ತಮ ಆರೋಗ್ಯಕ್ಕೆ ಒಳ್ಳೆಯದಲ್ಲ. ಕೆಲಸದ ವೇಳೆಯಲ್ಲಿ ಆಗಾಗ್ಗೆ ಸಣ್ಣ ಪ್ರಮಾಣದಲ್ಲಿ ವಿಶ್ರಾಂತಿ ತೆಗೆದುಕೊಳ್ಳಬೇಕು. ದೇಹವನ್ನು ಸ್ಟ್ರೆಚ್‌ ಮಾಡಬೇಕು ಮತ್ತು ಡೆಸ್ಕ್‌ ಬಿಟ್ಟು ಕೆಲವು ಹೆಜ್ಜೆ ನಡೆಯಬೇಕು. ಪ್ರತಿ ಮೂರು ತಿಂಗಳಿಗೊಮ್ಮೆ ರಜೆ ಹಾಕಿ ಪ್ರವಾಸ ಕೈಗೊಳ್ಳಬೇಕು. ಸ್ಪಾಗಳಿಗೆ ಭೇಟಿ ನೀಡಿ ರಿಲ್ಯಾಕ್ಸ್‌ ಮಾಡಿಕೊಳ್ಳಬೇಕು. ದೇಹ ಮತ್ತು ಮನಸು ರಿಲ್ಯಾಕ್ಸ್‌ ಆಗಲು ಪ್ರತಿದಿನ ಧ್ಯಾನ ಮಾಡಬೇಕು.
↧
ಜೀವನ ಶೈಲಿ ಬದಲಾಯಿಸಿ
↧