ಮುಂಬಯಿ: ಮುಂಬಯಿ-ಅಹಮದಾಬಾದ್‌ ನಡುವಿನ ಉದ್ದೇಶಿತ ಬುಲೆಟ್‌ ರೈಲು ಯೋಜನೆಯ ಕಾಮಗಾರಿ ಮುಂದಿನ ವರ್ಷ ಆರಂಭಗೊಳ್ಳಲಿದೆ ಎಂದು ರೈಲ್ವೆ ಮಂಡಳಿ ಸದಸ್ಯ(ಟ್ರಾಫಿಕ್‌) ಮೊಹಮ್ಮದ್‌ ಜೆಮ್‌ಶೆಡ್‌ ಹೇಳಿದ್ದಾರೆ. ಮುಂಬಯಿನಲ್ಲಿ ನಡೆದ ಮುಖ್ಯ ವಾಣಿಜ್ಯ ವ್ಯವಸ್ಥಾಪಕರ ಸಮ್ಮೇಳನದಲ್ಲಿ ಮಾತನಾಡಿದ ಅವರು, ''ಬುಲೆಟ್‌ ರೈಲಿನ ಕಾರಿಡಾರ್‌ ಕೆಲಸವು ಮುಂದಿನ ವರ್ಷ ಆರಂಭವಾಗುತ್ತದೆ,'' ಎಂದರು. ಆದಾಗ್ಯೂ, ಭೂ ಸ್ವಾಧೀನ ಮತ್ತಿತರ ಬಿಕ್ಕಟ್ಟುಗಳು ಇದ್ದೇ ಇವೆ. ಗಂಟೆಗೆ ಗರಿಷ್ಠ 350 ಕಿ.ಮೀ ಕ್ರಮಿಸಬಲ್ಲ ತ್ವರಿತ ವೇಗದ ಈ ಯೋಜನೆ ಅನುಷ್ಠಾನಗೊಂಡರೆ 2 ಗಂಟೆ ಅವಧಿಯೊಳಗೆ ಮುಂಬಯಿನಿಂದ ಅಹಮದಾಬಾದ್‌ಗೆ ಪ್ರಯಾಣ ಮಾಡಬಹುದು. 97,636 ಕೋಟಿ ರೂ. ವೆಚ್ಚದ ಯೋಜನೆಗೆ ಜಪಾನ್‌ ಸಾಲದ ರೂಪದಲ್ಲಿ ಹಣ ಒದಗಿಸುತ್ತಿದೆ.
↧
ಬುಲೆಟ್‌ ರೈಲು ಯೋಜನೆಗೆ ಮುಂದಿನ ವರ್ಷ ಚಾಲನೆ
↧