ಪುಣೆ: ಸಾರ್ವಜನಿಕ ವಲಯದ ಎಸ್‌ಬಿಐ ತನ್ನ ಗ್ರಾಹಕರಿಗೆ 6 ಲಕ್ಷ ಡೆಬಿಟ್ ಕಾರ್ಡ್‌ಗಳನ್ನು ಮರು ಬಿಡುಗಡೆಗೊಳಿಸಲು ನಿರ್ಧರಿಸಿದೆ. ಎಸ್‌ಬಿಐನ ಎಟಿಎಂ ನೆಟ್‌ವರ್ಕ್‌ನಲ್ಲಿ ಭದ್ರತಾ ಲೋಪ ಉಂಟಾಗಿರುವ ಹಿನ್ನೆಲೆಯಲ್ಲಿ ಬ್ಯಾಂಕ್ ಈ ಕ್ರಮ ತೆಗೆದುಕೊಂಡಿದೆ. ಭಾರತದ ಬ್ಯಾಂಕಿಂಗ್ ಇತಿಹಾಸದಲ್ಲೇ ಅತಿ ದೊಡ್ಡ ಕಾರ್ಡ್ ಬದಲಾವಣೆ ಪ್ರಕ್ರಿಯೆ ಇದಾಗಿದೆ.
‘‘ಇದು ಎಸ್‌ಬಿಐ ಮಾತ್ರವಲ್ಲದೆ, ಇತರ ಹಲವು ಬ್ಯಾಂಕ್‌ಗಳ ಎಟಿಎಂ ನೆಟ್‌ವರ್ಕ್‌ನಲ್ಲಿಯೂ ಉಂಟಾಗಿರುವ ಲೋಪದಿಂದ ಉಂಟಾಗಿದೆ. ಎಸ್‌ಬಿಐನ ಎಟಿಎಂನಲ್ಲಿ ಮಾತ್ರ ಈ ಸಮಸ್ಯೆ ಉಂಟಾಗಿಲ್ಲ’’ ಎಂದು ಬ್ಯಾಂಕಿನ ಮುಖ್ಯ ತಂತ್ರಜ್ಞಾನ ಅಧಿಕಾರಿ ಶಿವ ಕುಮಾರ್ ಭಾಸಿನ್ ತಿಳಿಸಿದ್ದಾರೆ. ಅನೇಕ ಗ್ರಾಹಕರು ಬ್ಯಾಂಕಿಗೆ ಫೋನ್ ಕರೆ ಮಾಡಿ ತಮ್ಮ ಡೆಬಿಟ್ ಕಾರ್ಡ್ ಬ್ಲಾಕ್ ಆಗಿದೆ ಎಂದಿದ್ದಾರೆ. ಅವರಿಗೆಲ್ಲ ಹೊಸ ಡೆಬಿಟ್ ಕಾರ್ಡ್ ವಿತರಿಸಲಾಗುವುದು ಎಂದು ತಿಳಿಸಿದರು.
↧
ಎಸ್‌ಬಿಐನ 6 ಲಕ್ಷ ಡೆಬಿಟ್ ಕಾರ್ಡ್ ಬ್ಲಾಕ್
↧