ಚೀನಾ ಜಿಡಿಪಿ ಶೇ.6.7, ಮೂರು ತ್ರೈಮಾಸಿಕದಿಂದ ಸ್ಥಿರತೆ

ಬೀಜಿಂಗ್‌: ವಿಶ್ವದ ಎರಡನೇ ದೊಡ್ಡ ಆರ್ಥ ವ್ಯವಸ್ಥೆ ಹೊಂದಿರುವ ಚೀನಾದ ಜಿಡಿಪಿ ಶೇ.6.7ರಷ್ಟು ದಾಖಲಾಗಿದೆ. ಸತತವಾಗಿ ಕುಸಿತ ಕಂಡಿದ್ದ ಆರ್ಥಿಕ ಬೆಳವಣಿಗೆ ಸುಧಾರಿಸುತ್ತಿದ್ದು, ಕಳೆದ ಮೂರು ತ್ರೈಮಾಸಿಕದಿಂದ ಸ್ಥಿರತೆ ಕಂಡಂತೆ ಆಗಿದೆ ಎಂದು ರಾಷ್ಟ್ರೀಯ ಅಂಕಿ ಅಂಶಗಳ ಸಂಸ್ಥೆ ಹೇಳಿದೆ.

2016ರಲ್ಲಿ ಶೇ.6.5ರಿಂದ 7ರ ಜಿಡಿಪಿ ಗುರಿಯನ್ನು ಸರಕಾರ ನಿಗದಿ ಮಾಡಿತ್ತು. ಎರಡನೇ ತ್ರೈಮಾಸಿಕದಿಂದ ಆರ್ಥಿಕ ಬೆಳವಣಿಗೆ ಶೇ.1.8ರಷ್ಟು ವೃದ್ಧಿಸಿದೆ ಎಂದು ಸರಕಾರಿ ಒಡೆತನದ ಕ್ಸಿನ್‌ಹುವಾ ವರದಿ ಮಾಡಿದೆ. ಚೀನಾದ ಉದ್ಯಮದಲ್ಲಿ ವಹಿವಾಟು ಶೇ.6ರಷ್ಟು ಹೆಚ್ಚಳವಾಗಿದೆ.