ನವರಾತ್ರಿ ರಂಗಿನ ಒಂಬತ್ತು ಬಣ್ಣಗಳಲ್ಲಿ ಇಂದಿನ ಬಣ್ಣ ಬಿಳಿ. ಈ ಬಣ್ಣದ ಸೀರೆಯನ್ನುಟ್ಟು ವಿಜಯ ಕರ್ನಾಟಕ ಮುಖಪುಟದಲ್ಲಿ ಕಂಗೊಳಿಸುತ್ತಿದ್ದಾರೆ ನಟಿ ಸಂಜನಾ ಪ್ರಕಾಶ್‌. ಕನ್ನಡದ ನವ ನಾಯಕಿಯರಲ್ಲಿ ಪ್ರಮುಖವಾಗಿ ಕೇಳಿಬರುವ ಹೆಸರು ಸಂಜನಾ ಪ್ರಕಾಶರದ್ದು. ವಿಭಿನ್ನ ಪಾತ್ರಗಳ ಮೂಲಕ ಗುರುತಿಸಿಕೊಂಡಿರುವ ಇವರು, ಕನ್ನಡಪರ ಹೋರಾಟಗಳಲ್ಲೂ ಕಾಣಿಸಿಕೊಂಡವರು. ಮೂಲತಃ ಚಿತ್ರದುರ್ಗದವರಾದ ಇವರು, ಸಿನಿಮಾ ಬಗೆಗಿನ ಅಪಾರ ಆಸಕ್ತಿಯಿಂದಾಗಿ ಶಿಕ್ಷಣ ಮುಗಿಸಿಕೊಂಡು ನೇರವಾಗಿ ಸ್ಯಾಂಡಲ್‌ವುಡ್‌ಗೆ ಬಂದಿದ್ದಾರೆ. ಇವರ ಚೊಚ್ಚಲು ಸಿನಿಮಾ ಪಂಗನಾಮ. ಆ ನಂತರ ಕಲಬೆರಕೆ, ಚಿಲ್ರೆ ಶೋಕಿ, ವರ್ತಮಾನ ಹೀಗೆ ಹಲವು ಸಿನಿಮಾಗಳಲ್ಲಿ ನಟಿಸಿದರು. ಕನ್ನಡದಲ್ಲಿ ಮಾತ್ರವಲ್ಲ, ತೆಲುಗು ಸಿನಿಮಾರಂಗದತ್ತಲೂ ಮುಖ ಮಾಡಿದರು. ಒಂದೇ ಪಾತ್ರಕ್ಕೆ ಅಂಟಿಕೊಳ್ಳದೇ ಹಳ್ಳಿ ಹುಡುಗಿ ಪಾತ್ರದ ಮೂಲಕ ಕರಿಯರ್‌ ಶುರುಮಾಡಿ, ನಂತರ ಗ್ಲಾಮರಸ್‌ ಪಾತ್ರಗಳಲ್ಲೂ ಮಿಂಚಿದ್ದಾರೆ. ತುಂಬ ಆಲೋಚಿಸಿ ಸ್ಕ್ರಿಪ್ಟ್‌ ಒಪ್ಪಿಕೊಳ್ಳುವ ಕಾರಣಕ್ಕಾಗಿ ಸಂಜನಾಗೆ ಪ್ರಯೋಗಾತ್ಮಕ ಸಿನಿಮಾಗಳಲ್ಲೂ ನಟಿಸಲು ಅವಕಾಶಗಳು ಸಿಕ್ಕಿವೆ. ------------------ ರೂಪದರ್ಶಿ: ಸಂಜನಾ ಪ್ರಕಾಶ್‌
↧
ನವರಂಗ್‌ ತಾರೆ
↧