ಜಯತೀರ್ಥ ನಿರ್ದೇಶನದ ಬ್ಯೂಟಿಫುಲ್‌ ಮನಸುಗಳು ಶೂಟಿಂಗ್‌ ಮುಗಿಸಿರುವ ನೀನಾಸಂ ಸತೀಶ್‌, ಈಗ ಚಂಬಲ್‌ ಚಿತ್ರದ ಶೂಟಿಂಗ್‌ನಲ್ಲಿ ತೊಡಗಿಕೊಂಡಿದ್ದಾರೆ. ಜೇಕಬ್‌ ನಿರ್ದೇಶನದ ಈ ಸಿನಿಮಾ ಸದ್ದಿಲ್ಲದೇ ಬೆಂಗಳೂರಿನಲ್ಲಿ ಚಿತ್ರೀಕರಣ ಆರಂಭಿಸಿದೆ. ನಿರ್ದೇಶಕರು ಸವಾರಿ, ಪೃಥ್ವಿ, ಸವಾರಿ-2 ಸಿನಿಮಾಗಳ ನಂತರ ಈ ಚಿತ್ರವನ್ನು ಕೈಗೆತ್ತಿಕೊಂಡಿರುವುದರಿಂದ ಸಹಜವಾಗಿಯೇ ಕುತೂಹಲ ಮೂಡಿಸಿದೆ. ಚಂಬಲ್‌ ಟೈಟಲ್‌ ಕೇಳಿದಾಕ್ಷ ಣ ಚಂಬಲ್‌ ಕಣಿವೆ ಕಂಡಿತಾ ನೆನಪಾಗುತ್ತದೆ. ಆದರೆ, ಈ ಸಿನಿಮಾಕ್ಕೂ ಕಣಿವೆಗೂ ನೇರವಾಗಿ ಸಂಬಂಧವಿಲ್ಲವಂತೆ. ಆದರೂ, ಚಂಬಲ್‌ ಪ್ರಸ್ತಾಪವಿದೆಯಂತೆ. ಈ ಚಿತ್ರದ ಕುರಿತು ಸತೀಶ್‌ ಹೇಳುವುದು ಹೀಗೆ, 'ಕಥೆ ತುಂಬಾ ಭಿನ್ನವಾಗಿದೆ. ನನ್ನ ಮ್ಯಾನರೀಸಂಗೆ ತಕ್ಕಂತೆ ಸ್ಕ್ರಿಪ್ಟ್‌ ಸಿಕ್ಕಿರುವುದರಿಂದ ಸಹಜವಾಗಿಯೇ ಖುಷಿಯಾಗಿದೆ. ನಿರ್ದೇಶಕರು ಈಗಾಗಲೇ ಹೊಸ ರೀತಿಯ ಚಿತ್ರಗಳನ್ನು ನೀಡಿದವರು. ವಿಭಿನ್ನ ಆಲೋಚನೆಗಳನ್ನು ಪ್ರೇಕ್ಷಕರ ಮನದಲ್ಲಿ ಬಿತ್ತಿದವರು. ಹಾಗಾಗಿ ಸಿನಿಮಾದ ಬಗ್ಗೆ ಎಲ್ಲರಂತೆ ನನಗೂ ಕ್ಯೂರಿಯಾಸಿಟಿ ಇದೆ' ಅಂತಾರೆ. ಸದ್ಯ ಬೆಂಗಳೂರಿನ ಖಾಸಗಿ ಹೊಟೆಲ್‌ನಲ್ಲಿ ಚಿತ್ರದ ಶೂಟಿಂಗ್‌ ನಡೆದಿದೆ. ಅಚ್ಯುತ್‌ಕುಮಾರ್‌ ಸೇರಿದಂತೆ ಹಲವು ನಟರು ಶೂಟಿಂಗ್‌ನಲ್ಲಿ ಭಾಗವಹಿಸಿದ್ದಾರೆ.
↧
ಚಂಬಲ್‌ಗೆ ಇಳಿದ ಸತೀಶ್‌
↧