ಯುವನಟಿ, ಮಾಡೆಲ್‌ ಏಕ್ತಾ ರಾಥೋಡ್‌ ನೂತನ ಕನ್ನಡ ಚಿತ್ರವೊಂದರಲ್ಲಿ ನಟ ಪ್ರವೀಣ್‌ ತೇಜ್‌ಗೆ ಜೋಡಿಯಾಗಿ ನಟಿಸಲಿದ್ದಾರೆ. ಯಶ್‌ ಅಭಿನಯದ 'ಮಾಸ್ಟರ್‌ ಪೀಸ್‌' ಚಿತ್ರದಲ್ಲಿ ಅವರು ಹಾಸ್ಯನಟ ಚಿಕ್ಕಣ್ಣನ ಸೆಕ್ಸೀ ಜೋಡಿಯಾಗಿ ಕಾಣಿಸಿಕೊಂಡಿದ್ದರು.
ಇದಾದ ನಂತರ ಚಿಕ್ಕಣ್ಣ ಮುಖ್ಯಭೂಮಿಕೆಯಲ್ಲಿ ನಟಿಸಿರುವ 'ಬಿಎಂಡಬ್ಲ್ಯೂ'ನಲ್ಲಿಯೂ ಅವರಿಗೆ ಜೋಡಿಯಾಗಿ ನಟಿಸುವ ಅವಕಾಶ ಅವರದಾಯ್ತು. ಇದೀಗ 'ಸಿಂಪಲ್ಲಾಗ್‌ ಇನ್ನೊಂದ್‌ ಲವ್‌ಸ್ಟೋರಿ' ಖ್ಯಾತಿಯ ಪ್ರವೀಣ್‌ಗೆ ಜತೆಯಾಗುತ್ತಿದ್ದಾರೆ. ಇದೊಂದು ತ್ರಿಕೋನಪ್ರೇಮಕತೆ ಎನ್ನಲಾಗಿದೆ. 'ಇದೊಂದು ಕಾಲೇಜ್‌ ಲವ್‌ಸ್ಟೋರಿ. ಚಿತ್ರದ ನಾಯಕಿಯರ ಪೈಕಿ ನಾನೊಬ್ಬಳು. ಆಡಿಷನ್‌ ಮೂಲಕ ಪಾತ್ರಕ್ಕೆ ಆಯ್ಕೆಯಾಗಿದ್ದು, ಪಾತ್ರ ಮಜವಾಗಿದೆ' ಎನ್ನುತ್ತಾರವರು.
↧
ಪ್ರವೀಣ್‌ ಜತೆ ಏಕ್ತಾ
↧