* ಸುನಿಲ್‌ ಗವಾಸ್ಕರ್‌ ಮಾಜಿ ಕ್ರಿಕೆಟಿಗ ಪ್ರಕಾಶಮಾನವಾದ ಬಿಸಿಲಿನ ಮಧ್ಯೆಯೂ ಕ್ವೀನ್ಸ್‌ಪಾರ್ಕ್‌ ಓವಲ್‌ ಮೈದಾನದ ಉಸ್ತುವಾರಿ ವಹಿಸಿದ್ದ ವ್ಯಕ್ತಿಗಳ ನಿರಾಸಕ್ತಿಯಿಂದಾಗಿ 4ನೇ ಟೆಸ್ಟ್‌ ಪಂದ್ಯದಲ್ಲಿ ಆಟ ಸಾಗಲು ಸಾಧ್ಯವಾಗಲಿಲ್ಲ. ಭಾರತ ಮತ್ತು ವೆಸ್ಟ್‌ ಇಂಡೀಸ್‌ ನಡುವಿನ ಆ ಟೆಸ್ಟ್‌ ಪಂದ್ಯದ ಮೊದಲ ದಿನದಾಟದ ಪ್ರಥಮ ಅವಧಿಯಲ್ಲಷ್ಟೇ ಆಟ ನಡೆದಿತ್ತು. ಭೋಜನ ವಿರಾಮದ ನಂತರ ಸುರಿದ ಭಾರಿ ಮಳೆ ಉಳಿದ ದಿನಗಳ ಆಟವನ್ನು ನುಂಗಿ ಹಾಕಿತ್ತು. ಆದರೆ ಪ್ರಖರ ಬಿಸಿಲು ಗೋಚರಿಸಿದರೂ ಟೆಸ್ಟ್‌ ಪಂದ್ಯಕ್ಕೆ ಆತಿಥ್ಯ ವಹಿಸುವ ಮೈದಾನವೊಂದರಲ್ಲಿ ಆಟ ಮುಂದುವರಿಸಲು ಸಾಧ್ಯವಾಗಲಿಲ್ಲ ಎಂಬುದು ಸ್ವೀಕಾರಾರ್ಹವಲ್ಲ. ಎರಡನೇ ದಿನದಾಟ ತಡವಾಗಿ ಆರಂಭಗೊಂಡರೆ ಅದನ್ನು ಒಪ್ಪಬಹುದು. ಆದರೆ ಕ್ವೀನ್ಸ್‌ಪಾರ್ಕ್‌ ಓವಲ್‌ನಲ್ಲಿ ಅದೂ ಸಾಧ್ಯವಾಗಲಿಲ್ಲ. ಅಲ್ಲಿ ಮೈದಾನದಿಂದ ನೀರು ತೆಗೆದು ಆಟಕ್ಕೆ ಅನುವು ಮಾಡಿಕೊಡುವಂತಾಗಲು ಸೂಪರ್‌ ಸಾಪರ್‌ ಯಂತ್ರ ಇರಲಿಲ್ಲ. ಮೈದಾನಕ್ಕೆ ಹೊದಿಸುವ ಹೊದಿಕೆ ಸೂಕ್ತ ಪ್ರಮಾಣದಲ್ಲಿರಲಿಲ್ಲ. ಅಲ್ಲದೆ ಮೈದಾನದ ಸಿಬ್ಬಂದಿಯ ಸಂಖ್ಯೆ(ಕೇವಲ 6 ಮಂದಿ)ಯೂ ಕಡಿಮೆಯಿತ್ತು. ಇದರಿಂದಾಗಿ ಸರಣಿಯ ನೇರ ಪ್ರಸಾರದ ಹಕ್ಕು ಹೊಂದಿದ್ದ ಟಿವಿ ವಾಹಿನಿಗೆ ಸಾಕಷ್ಟು ನಷ್ಟವಾಗಿದೆ. ಮತ್ತೊಂದೆಡೆ ಶ್ರೀಲಂಕಾ ವಿರುದ್ಧದ 2ನೇ ಏಕದಿನ ಪಂದ್ಯದಲ್ಲಿ ಹ್ಯಾಟ್ರಿಕ್‌ ವಿಕೆಟ್‌ ಸಾಧನೆ ಮಾಡಿದ ಆಸ್ಪ್ರೇಲಿಯಾದ ಜೇಮ್ಸ್‌ ಫಾಲ್ಕನರ್‌ ಈ ವಾರದ ಸಿಯೆಟ್‌ ಅಂತಾರಾಷ್ಟ್ರೀಯ ಕ್ರಿಕೆಟಿಗನಾಗಿ ಮೂಡಿ ಬಂದಿದ್ದಾರೆ.
↧
ವಾರದ ಸಿಯೆಟ್‌ ಕ್ರಿಕೆಟಿಗ ಫಾಲ್ಕನರ್‌
↧