ಈ ಹೇಳಿಕೆ ಹಿನ್ನೆಲೆಯಲ್ಲಿ ಆರೆಸ್ಸೆಸ್‌ ಸುಪ್ರೀಂಕೋರ್ಟ್‌ನಲ್ಲಿ ದಾಖಲಿಸಿರುವ ಮಾನಹಾನಿ ಮೊಕದ್ದಮೆಯಿಂದ ರಾಹುಲ್‌ ಖುಲಾಸೆಗೊಳ್ಳುವ ಸಾಧ್ಯತೆ ಇದೆ.
ಗಾಂಧಿ ಹತ್ಯೆ ಕುರಿತಂತೆ ರಾಹುಲ್‌ ಗಾಂಧಿ ಅವರು ಇಡೀ ಆರೆಸ್ಸೆಸ್‌ ಸಂಘಟನೆಯನ್ನು ದೂಷಿಸಿಲ್ಲ ಎಂದು ವಕೀಲ ಕಪಿಲ್‌ ಸಿಬಲ್‌ ಕೋರ್ಟ್‌ಗೆ ತಿಳಿಸಿದರು. ಇದಕ್ಕೆ ಸಂಬಂಧಿಸಿದಂತೆ ರಾಹುಲ್‌ ಸಲ್ಲಿಸಿರುವ ಪ್ರಮಾಣಪತ್ರವನ್ನು ಪರಿಶೀಲಿಸುವುದಾಗಿ ಕೋರ್ಟ್‌ ಹೇಳಿದೆ.
ಪ್ರಕರಣದ ಮುಂದಿನ ವಿಚಾರಣೆಯನ್ನು ಕೋರ್ಟ್‌ ಸೆ.ಒಂದಕ್ಕೆ ಕಾಯ್ದಿರಿಸಿದೆ. ಆರೆಸ್ಸೆಸ್‌ ವಕೀಲ ಯು. ಆರ್‌. ಲಲಿತ್‌ ಅವರು ತಮ್ಮ ಕಕ್ಷಿದಾರರಿಂದ ಹೆಚ್ಚಿನ ವಿವರಗಳನ್ನು ಪಡೆಯಲು ಕಾಲಾವಕಾಶ ಕೋರಿದರು.
2014ರಲ್ಲಿ ಮಹಾರಾಷ್ಟ್ರದ ಥಾಣೆಯಲ್ಲಿ ನಡೆದಿದ್ದ ಸಭೆಯಲ್ಲಿ ಭಾಗವಹಿಸಿ ಮತನಾಡಿದ್ದ ರಾಹುಲ್‌, ಆರೆಸ್ಸೆಸ್ಗೆ ಸೇರಿದವರು ಗಾಂಧೀಜಿಯನ್ನು ಹತ್ಯೆ ಮಾಡಿದ್ದರು. ಇಂದು ಅವರೇ ಗಾಂಧೀಜಿ ಬಗ್ಗೆ ಮಾತನಾಡುತ್ತಾರೆ. ಅವರು ಗಾಂಧೀಜಿ ಮತ್ತು ಸರ್ದಾರ್‌ ಪಟೇಲ್‌ ಅವರನ್ನು ವಿರೋಧಿಸುತ್ತಿದ್ದರು ಎಂದು ಹೇಳಿದ್ದರು.
ರಾಹುಲ್‌ ಅವರ ಈ ಹೇಳಿಕೆ ವಿರೋಧಿಸಿ ಆರೆಸ್ಸೆಸ್‌ ಸುಪ್ರೀಂಕೋರ್ಟ್‌ನಲ್ಲಿ ಅವರ ವಿರುದ್ಧ ಕ್ರಿಮಿನಲ್‌ ಪ್ರಕರಣ ದಾಖಲಿಸಿತ್ತು.
ಹೊಸದಿಲ್ಲಿ: ಮಹಾತ್ಮ ಗಾಂಧಿ ಅವರ ಹತ್ಯೆ ವಿಚಾರದಲ್ಲಿ ಇಡೀ ಆರೆಸ್ಸೆಸ್‌ ಅನ್ನು ಯಾವತ್ತೂ ದೂಷಿಸಿಲ್ಲ. ಆರೆಸ್ಸೆಸ್‌ ಜತೆಗಿದ್ದ ವ್ಯಕ್ತಿ ಗಾಂಧೀಜಿಯನ್ನು ಹತ್ಯೆ ಮಾಡಿರುವುದಾಗಿ ಹೇಳಿದ್ದಾಗಿ ಕಾಂಗ್ರೆಸ್‌ ಉಪಾಧ್ಯಕ್ಷ ರಾಹುಲ್‌ ಗಾಂಧಿ ಸುಪ್ರೀಂಕೋರ್ಟ್‌ಗೆ ಹೇಳಿದರು.