ಈಗ ಎಲ್ಲೆಲ್ಲೂ 'ನಟರಾಜ್‌ ಸರ್ವಿಸ್‌' ಸಿನಿಮಾದ್ದೇ ಜಪ. ಅದರಲ್ಲೂ ರವಿಶಂಕರ್‌ ಕಾಣಿಸಿಕೊಂಡಿರುವ 'ಅಲ್ಲಾ ಯಾ ಅಲ್ಲಾ' ಹಾಡು ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ. ಅಪ್‌ಲೋಡ್‌ ಮಾಡಿದ ಒಂದೂವರೆ ಗಂಟೆಗೆ ಎರಡೂವರೆ ಲಕ್ಷ ಹಿಟ್‌ ಪಡೆಯುವ ಮೂಲಕ ದಾಖಲೆ ಬರೆದಿದೆ. ಹೀಗಾಗಿ ಹಾಡಿನ ಮೂಲಕ ಮತ್ತೊಂದು ಹಿಸ್ಟರಿ ಕ್ರಿಯೇಟ್‌ ಮಾಡಿದ್ದಾರೆ ನಿರ್ದೇಶಕ ಪವನ್‌ ಒಡೆಯರ್‌. ಈ ಹಿಂದೆ ತೆರೆಕಂಡ ಇದೇ ನಿರ್ದೇಶಕರ ಗೋವಿಂದಾಯ ನಮಃ ಸಿನಿಮಾದ 'ಪ್ಯಾರ್ಗೆ ಆಗ್ಬುಟೈತಿ ಸಾಂಗ್‌' ದಾಖಲೆ ಬರೆದಿತ್ತು. ಈ ಹಾಡೇ ಸಿನಿಮಾ ಗೆಲ್ಲಿಸಲು ಸಹಾಯ ಕೂಡ ಆಗಿತ್ತು. 'ಅಲ್ಲಾ ಯಾ ಅಲ್ಲಾ' ಹಾಡು ಕೂಡ ಅದೇ ಹಾದಿಯಲ್ಲಿ ಸಾಗುತ್ತಿದೆ. 'ಅಲ್ಲಾ ಯಾ ಅಲ್ಲಾ ಹಾಡು ಹಿಟ್‌ ಆಗುತ್ತದೆ ಅನ್ನುವ ನಂಬಿಕೆ ನನಗಿತ್ತು. ಆದರೆ, ಈ ಪ್ರಮಾಣದಲ್ಲಿ ಕೇಳುಗರ ಗಮನ ಸೆಳೆಯುತ್ತದೆ ಎಂದು ನಾನಂತೂ ಅಂದುಕೊಂಡಿರಲಿಲ್ಲ. ಈಗ ಎಲ್ಲೆಲ್ಲೂ ಅದೇ ಹಾಡಿನ ಗುಣಗಾನ. ಅನೂಪ್‌ ಸೀಳೀನ್‌ ಸಂಗೀತ ಸಂಯೋಜನೆಯಲ್ಲಿ ಮೂಡಿ ಬಂದಿರುವ ಹಾಡನ್ನು ಪ್ರೇಕ್ಷಕರು ಗೆಲ್ಲಿಸಿದ್ದಾರೆ. ಹೀಗಾಗಿ ಸಹಜವಾಗಿಯೇ ಖುಷಿಯಾಗಿದೆ' ಅನ್ನುವುದು ನಿರ್ದೇಶಕರ ಮಾತು. ಈ ಹಾಡಿನ ಹಿಂದೆ ರೋಚಕ ಕತೆಯೇ ಇದೆ. ಮೂರು ವರ್ಷಗಳ ಹಿಂದೆ ಹುಟ್ಟಿಕೊಂಡ ಹಾಡಿದು. ಪ್ಯಾರ್ಗೆ ಸಕ್ಸೆಸ್‌ನಲ್ಲಿದ್ದಾಗಲೇ ನಿರ್ದೇಶಕರು ಈ ಸಾಹಿತ್ಯವನ್ನು ಬರೆದಿಟ್ಟಿದ್ದರಂತೆ. ಈಗ ಅದನ್ನು ಬಳಸಿಕೊಂಡಿದ್ದಾರೆ. ಈ ಹಾಡಿನಲ್ಲಿ ರವಿಶಂಕರ್‌ ಕಾಣಿಸಿಕೊಂಡಿದ್ದರೂ, ಇದು ಹೀರೋ ಇಂಟ್ರಡಕ್ಷನ್‌ ಸಾಂಗ್‌. ಆದರೆ, ನಾಯಕ ಶರಣ್‌ ಮಾತ್ರ ಹಾಡಿನಲ್ಲಿ ಕಾಣಿಸಿಕೊಳ್ಳುವುದಿಲ್ಲ ಅನ್ನುವುದು ಮತ್ತೊಂದು ವಿಶೇಷ. ಪವನ್‌ ಸಾಹಿತ್ಯದಲ್ಲಿ ಅರಳಿದ ಹಾಡಿಗೆ ಅನೂಪ್‌ ಸೀಳೀನ್‌ ಸಂಗೀತ ನಿರ್ದೇಶನ ಮಾಡಿದ್ದಾರೆ. ಮುರಳಿ ಅವರ ಕೋರಿಯೋಗ್ರಫಿಯಲ್ಲಿ ಸಾಂಗ್‌ ಮೂಡಿ ಬಂದಿದೆ. ------------------------- ಫೋಟೋ : ನಟರಾಜ ಸರ್ವಿಸ್‌, ಪವನ್‌ ಒಡೆಯರ್‌ (ನಿರ್ದೇಶಕ ------------------------
↧
ಪ್ಯಾರ್ಗೆ ನಂತರ ವೈರಲ್‌ ಆದ ಸಾಂಗ್‌
↧