ಹಿಮ ಚಿರತೆಗಳ ವಾಸಸ್ಥಾನವಾದ ಉತ್ತರಾಖಂಡದ ಪಿಥೋರಾಗಡ್ ಜಿಲ್ಲೆಯ ಹಿಮಾಲಯದ ಅಸ್ಕೋಟ್‌ನಲ್ಲಿ ಹುಲಿ ಸುಳಿದಾಡಿದ ಹೆಜ್ಜೆ ಗುರುತುಗಳು ಕ್ಯಾಮೆರಾದಲ್ಲಿ ಸೆರೆಯಾಗಿವೆ.
ಜೀವ ವಿಜ್ಞಾನ ಸಂರಕ್ಷಣಾ ಯೋಜನೆಯಡಿಯಲ್ಲಿ ಭಾರತೀಯ ವನ್ಯಮೃಗ ಸಂಸ್ಥೆಯ ವಿಜ್ಞಾನಿಯಾದ ಬಿಲಾಲ್ ಹಬೀಬ್ ಅವರು ಈ ಪ್ರದೇಶದಲ್ಲಿ ಹುಲಿ ಹೆಜ್ಜೆ ಗುರುತಿನ ಫೋಟೋ ಸೆರೆ ಹಿಡಿದಿದ್ದು, ಭಾರತದಲ್ಲಿಯೇ ಅತ್ಯಂತ ಎತ್ತರದ ಪ್ರದೇಶದಲ್ಲಿ ಹುಲಿ ಇರುವ ಸ್ಥಳವಿದು, ಎಂದಿದ್ದಾರೆ.
'ಈ ಪ್ರದೇಶಗಳಲ್ಲಿ ಹುಲಿಗಳಿದ್ದ ಬಗ್ಗೆ ಬ್ರಿಟಿಷ್ ದಾಖಲೆಗಳಲ್ಲಿ ಮಾಹಿತಿ ಇದ್ದರೂ, ಇದುವರೆಗೆ ಯಾವುದೇ ವೈಜ್ಞಾನಿಕ ಅಥವಾ ಫೋಟೋ ಸಾಕ್ಷಿಗಳು ಲಭ್ಯವಿರಲಿಲ್ಲ,' ಎಂದ ಹಬೀಬ್ 'ಇದುವರೆಗಿನ ದಾಖಲೆಯಂತೆ 13 ಸಾವಿರ ಅಡಿ ಎತ್ತರದಲ್ಲಿರುವ ಬೂತಾನ್‌ನಲ್ಲಿ ಹುಲಿ ಸಂಸತಿ ಅಸ್ತಿತ್ವದಲ್ಲಿದೆ,' ಎಂದಿದ್ದಾರೆ.
'ಈ ಪ್ರದೇಶದಲ್ಲಿ ಬೇಟೆಗಾರರ ಉಪಟಳ ಹೆಚ್ಚಿದ್ದು, ಹುಲಿಗೆ ತೊಂದರೆಯಾಗಬಹುದೆಂಬ ಕಾರಣಕ್ಕೆ ಈ ಹುಲಿ ಸಂರಕ್ಷಣೆ ಬಗ್ಗೆ ಹೆಚ್ಚಿನ ಕ್ರಮ ಕೈಗೊಳ್ಳುವ ಅಗತ್ಯವಿದೆ,' ಎನ್ನುತ್ತಾರೆ ಪ್ರಧಾನ ಅರಣ್ಯ ಸಂರಕ್ಷಕ ಡಿವಿಎಸ್ ಖಟಿ.
ಹುಲಿಗಳ ಆವಾಸ ಸ್ಥಾನ ಬದಲಾದ ಬಗ್ಗೆ ಇನ್ನು ಹೆಚ್ಚಿನ ಸಂಶೋಧನೆಗಳ ಅಗತ್ಯವಿದೆ, ಎನ್ನುತ್ತಾರೆ ವಿಜ್ಞಾನಿಗಳು.
ಡೆಹ್ರಾಡೂನ್: ಹುಲಿ ಸಂತತಿ ನಶಿಸುತ್ತಿರುವ ಸುದ್ದಿ ಆತಂಕ ಮೂಡಿಸುತ್ತಿರುವ ಬೆನ್ನಲ್ಲೇ, ಉತ್ತರಾಖಂಡದ 12 ಸಾವಿರ ಅಡಿ ಎತ್ತರದಲ್ಲಿ ಹುಲಿ ವಾಸಿಸುತ್ತಿರುವ ಬಗ್ಗೆ ಸುಳಿವು ಸಿಕ್ಕಿದ್ದು, ವನ್ಯಜೀವಿ ಪ್ರಿಯರಿಗೆ ಸಂತಸ ತಂದಿದೆ.
