ಮುಂಬಯಿ: ಮುಂಬಯಿ ಷೇರು ಮಾರುಕಟ್ಟೆ ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್‌ ಮಂಗಳವಾರ 119 ಅಂಕ ಕುಸಿತಕ್ಕೀಡಾಗಿದ್ದು, 28,000 ಅಂಕಗಳ ಮಟ್ಟಕ್ಕಿಂತ ಕೆಳಕ್ಕಿಳಿಯಿತು. ಇತ್ತೀಚಿನ ದಿನಗಳಲ್ಲಿ ಸೂಚ್ಯಂಕ ಏರಿದ್ದರಿಂದ, ಷೇರು ವಿಕ್ರಯದ ಮೂಲಕ ಲಾಭ ಪಡೆದುಕೊಳ್ಳಲು ಹೂಡಿಕೆದಾರರು ಮುಂದಾದ ಪರಿಣಾಮ ಸೂಚ್ಯಂಕ ಮುಗ್ಗರಿಸಿತು. ಜತೆಗೆ ಅಮೆರಿಕ ಮತ್ತು ಜಪಾನ್‌ನಲ್ಲಿ ಸೆಂಟ್ರಲ್‌ ಬ್ಯಾಂಕ್‌ಗಳು ಹಣಕಾಸು ನೀತಿ ಪರಾಮರ್ಶೆ ನಡೆಸಲು ಸಿದ್ಧವಾಗಿರುವುದು ಮಾರುಕಟ್ಟೆ ಮೇಲೆ ಪ್ರಭಾವ ಬೀರಿದೆ ಎಂದು ವಿಶ್ಲೇಷಕರು ತಿಳಿಸಿದ್ದಾರೆ. ಸೆನ್ಸೆಕ್ಸ್‌ 118.82 ಅಂಕ ಕಳೆದುಕೊಂಡು 27,976.52ಕ್ಕೆ ಸ್ಥಿರವಾದರೆ, ನಿಫ್ಟಿ 45 ಅಂಕ ನಷ್ಟದಲ್ಲಿ 8,590.65ಕ್ಕೆ ಸ್ಥಿರವಾಯಿತು. ಐಸಿಐಸಿಐ ಬ್ಯಾಂಕ್‌ ಷೇರು ದರ ಶೇ.2.64, ಹೀರೊ ಮೊಟೊಕಾರ್ಪ್‌ ಶೇ.2.12, ಎಸ್‌ಬಿಐ ಶೇ.1.41, ಗೇಲ್‌ ಶೇ.1.41, ಕೋಲ್‌ ಇಂಡಿಯಾ ಶೇ.1.38, ಲುಪಿನ್‌ ಶೇ.1.18, ಒಎನ್‌ಜಿಸಿ ಶೇ.1.17, ಟಾಟಾ ಮೋಟಾರ್ಸ್‌ ಶೇ.1.13, ಬಜಾಜ್‌ ಆಟೊ ಶೇ.1.11ರಷ್ಟು ಇಳಿಯಿತು. ಮಾರುಕಟ್ಟೆಯಲ್ಲಿ ಒಟ್ಟು 1,660 ಷೇರುಗಳು ನಷ್ಟಕ್ಕೀಡಾದರೆ, 200 ಷೇರುಗಳು ಲಾಭ ಗಳಿಸಿತು.
↧
ಸೆನ್ಸೆಕ್ಸ್‌ 119 ಅಂಕ ಪತನ
↧