ಜೊಹಾನ್ಸ್‌ಬರ್ಗ್‌: ಪ್ರೇಯಸಿ ರೀವಾ ಸ್ಟೀನ್‌ಕ್ಯಾಂಪ್‌ ಅವರನ್ನು ಕೊಲೆ ಮಾಡಿ ಕೇವಲ ಆರು ವರ್ಷಗಳ ಜೈಲು ಶಿಕ್ಷೆಗೆ ಗುರಿಯಾಗಿರುವ ಪ್ಯಾರಾಲಿಂಪಿಯನ್‌ ಆಸ್ಕರ್‌ ಪಿಸ್ಟೋರಿಯಸ್‌ ಅವರನ್ನು ಇನ್ನೂ ಹೆಚ್ಚಿನ ಅವಧಿಯ ಶಿಕ್ಷೆಗೆ ಗುರಿಪಡಿಸಬೇಕಾಗಿದ್ದು, ಈಗ ನೀಡಿರುವ ಶಿಕ್ಷೆ ಕಠೋರವಾಗಿಲ್ಲ ಎಂದು ದಕ್ಷಿಣ ಆಫ್ರಿಕಾದ ಪ್ರಾಸಿಕ್ಯೂಟರ್‌ಗಳು ಹೇಳಿದ್ದಾರೆ. ಈ ತಿಂಗಳ ಆರಂಭದಲ್ಲಿ ಪಿಸ್ಟೋರಿಯಸ್‌ ಶಿಕ್ಷೆಗೆ ಗುರಿಯಾಗಿದ್ದರು. ಅವರಿಗೆ ಅಲ್ಪ ಅವಧಿಯ ಶಿಕ್ಷೆ ವಿಧಿಸಲಾಗಿದೆ ಎಂದು ಅನೇಕರು ವಿರೋಧ ವ್ಯಕ್ತಪಡಿಸಿದ್ದರು. ಈ ಹಿನ್ನೆಲೆಯಲ್ಲಿ ಪಿಸ್ಟೋರಿಯಸ್‌ ಪರ ವಕೀಲರು ಶಿಕ್ಷೆಯ ವಿರುದ್ಧವಾಗಿ ನ್ಯಾಯಾಲಯಕ್ಕೆ ಮೊರೆ ಹೋಗಿರಲಿಲ್ಲ. ''ಹತ್ಯೆ ಮಾಡಿರುವುದಾಗಿ ಒಪ್ಪಿಕೊಂಡಿರುವ ಆರೋಪಿಗೆ ಕೇವಲ ಆರು ವರ್ಷಗಳ ಕಾಲ ಶಿಕ್ಷೆ ವಿಧಿಸಿರುವುದನ್ನು ಗಮನಿಸಿದರೆ ಅದು ಅತ್ಯಂತ ಸೌಮ್ಯ ರೀತಿಯ ಶಿಕ್ಷೆಯಾಗಿದೆ ಎಂದೆನಿಸುತ್ತಿದೆ,'' ಎಂದು ರಾಷ್ಟ್ರೀಯ ಫಿರ್ಯಾದು ಪ್ರಾಧಿಕಾರ ತೀವ್ರವಾಗಿ ವಿರೋಧ ವ್ಯಕ್ತಪಡಿಸಿದೆ.
↧
ಪಿಸ್ಟೋರಿಯಸ್‌ಗೆ ಶಿಕ್ಷೆ ಅವಧಿ ಹೆಚ್ಚಿಸಲು ಆಗ್ರಹ
↧