ಸೆನ್ಸೆಕ್ಸ್‌ ಅಲ್ಪ ಚೇತರಿಕೆ

ಮುಂಬಯಿ: ಮುಂಬಯಿ ಷೇರು ಮಾರುಕಟ್ಟೆ ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್‌ ಗುರುವಾರ 35 ಅಂಕ ಏರಿಕೆ ದಾಖಲಿಸಿದ್ದು, 27,201.49 ಅಂಕಗಳ ನೀರಸ ವಹಿವಾಟು ದಾಖಲಿಸಿತು. ನಿಫ್ಟಿ 1.95 ಅಂಕ ಗಳಿಸಿ 8,337.90ಕ್ಕೆ ದಿನದಾಟ ಮುಕ್ತಾಯಗೊಳಿಸಿತು.

ಮಂಗಳವಾರ ಸೂಚ್ಯಂಕ 112 ಅಂಕ ಕಳೆದುಕೊಂಡಿತ್ತು.ಬುಧವಾರ ಮಾರುಕಟ್ಟೆಗೆ ರಂಜಾನ್‌ ಪ್ರಯುಕ್ತ ರಜೆ ಇತ್ತು. ಅಮೆರಿಕದಲ್ಲಿ ಫೆಡರಲ್‌ ರಿಸರ್ವ್‌ ಬಡ್ಡಿ ದರವನ್ನು ಸದ್ಯಕ್ಕೆ ಯಥಾಸ್ಥಿತಿಯಲ್ಲಿ ಇರಿಸಲು ನಿರ್ಧರಿಸಿದ್ದು, ಷೇರು ಮಾರುಕಟ್ಟೆ ಮೇಲೆ ಪ್ರಭಾವ ಬೀರುವ ಸಾಧ್ಯತೆ ಇದೆ. ಜಾಗತಿಕ ಮಾರುಕಟ್ಟೆಯಲ್ಲಿ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ಒಟ್ಟು ವಹಿವಾಟು 3,163 ಕೋಟಿ ರೂ.ಗಳಿಮದ 2,878 ಕೋಟಿ ರೂ.ಗೆ ತಗ್ಗಿತು.