ಗಣೇಶ್‌ ಮತ್ತು ರಾಧಿಕಾ ಪಂಡಿತ್‌ ಕಾಂಬಿನೇಷನ್‌ನ 'ಜೂಮ್' ಸಿನಿಮಾದ ಟೈಟಲ್‌ ಸಾಂಗ್‌ ವೈರಲ್‌ ಆಗಿದೆ. ಜೂ.22ರಂದು ಟೈಟಲ್‌ ಸಾಂಗ್‌ನ ವಿಡಿಯೋ ರಿಲೀಸ್‌ ಆಗಿದ್ದು, ಒಳ್ಳೆಯ ರೆಸ್ಪಾನ್ಸ್‌ ಸಿಕ್ಕಿದೆ. ಈವರೆಗೂ ಲವರ್‌ ಬಾಯ್‌ ಆಗಿ ಕಾಣಿಸಿಕೊಂಡಿರುವ ಗಣೇಶ್‌ ಅವರನ್ನು ಈ ಹಾಡಿನಲ್ಲಿ ಪಕ್ಕಾ ಮಾಸ್‌ ಅನ್ನುವಂತೆ ಬಿಂಬಿಸಲಾಗಿದೆ. ಹಾಡಿನ ಸಾಹಿತ್ಯದಲ್ಲೂ ಅದೇ ಹೊಗಳಿಕೆ ಇದೆ. ಹೀಗಾಗಿಯೇ ಗಣೇಶ್‌ ಅಭಿಮಾನಿಗಳು ಹಾಡನ್ನು ಇಷ್ಟಪಟ್ಟಿದ್ದಾರಂತೆ. ಇದು ಪ್ರಶಾಂತ್‌ ರಾಜ್‌ ನಿರ್ದೇಶನದಲ್ಲಿ ಮೂಡಿ ಬಂದಿರುವ ಚಿತ್ರ. ಜುಲೈ 1ಕ್ಕೆ ರಿಲೀಸ್‌ ಆಗುತ್ತಿರುವ ಸಿನಿಮಾದಲ್ಲಿ ಹಲವು ವಿಶೇಷತೆಗಳಿವೆ. ಸಿನಿಮಾದ ಕತೆಯೇ ವಿಭಿನ್ನವಾಗಿದೆ. ಆ್ಯಡ್‌ ತಯಾರಿಸುವ ಕಂಪೆನಿಯಲ್ಲಿ ಕೆಲಸ ಮಾಡುವ ಜೋಡಿಯ ಕುರಿತಾದ ಸಿನಿಮಾ ಇದು. ರಾಧಿಕಾ ಮತ್ತು ಗಣೇಶ್‌ ಜೋಡಿಯಾಗಿ ಕಾಣಿಸಿಕೊಂಡಿದ್ದಾರೆ. ಇಬ್ಬರೂ ಚಿತ್ರಕ್ಕಾಗಿ ತಮ್ಮ ಲುಕ್‌ ಚೇಂಜ್‌ ಮಾಡಿಕೊಂಡಿದ್ದಾರೆ. ಅಲ್ಲದೇ ಇಬ್ಬರ ಹೇರ್‌ಸ್ಟೈಲ್‌ ಕೂಡ ಸಖತ್‌ ಬದಲಾಗಿದೆ.
↧
ಜೂಮ್ ಜೂಮ್ ಮಾಯ
↧