ಚೆನ್ನೈ: ಇತಿಹಾಸ ನಿರ್ಮಾಣಕ್ಕೆ ಇಸ್ರೊ ಸಿದ್ಧವಾಗಿದೆ. ಕಾರ್ಟೊಸ್ಯಾಟ್‌ - 2 ಸೇರಿದಂತೆ 20 ಇತರ ಉಪಗ್ರಹಗಳ ಉಡ್ಡಯನ ಬುಧವಾರ ನಡೆಯಲಿದೆ. ಆಂಧ್ರ ಪ್ರದೇಶದ ಶ್ರಿಹರಿಕೋಟಾದಿಂದ ಬುಧವಾರ ಬೆಳಗ್ಗೆ 9.25 ನಿಮಿಷಕ್ಕೆ 20 ಉಪಗ್ರಹಗಳನ್ನು ಹೊತ್ತ ವಿಎಸ್‌ಎಲ್‌ವಿ ಉಡ್ಡಯನ ವಾಹನ ಟೇಕ್‌ಆಪ್‌ ಆಗಲಿದೆ. 725.5 ಕೆ.ಜಿ. ತೂಕದ ಕಾರ್ಟೊಸ್ಯಾಟ್‌ -2 ಸರಣಿಯ ಭೂ ವೀಕ್ಷಣೆಯ ಉಪಗ್ರಹ ಹಾಗೂ ಒಟ್ಟು 560 ಕೆ.ಜಿ ತೂಕ ಹೊಂದಿರುವ ಅಮೆರಿಕ, ಕೆನಡಾ, ಜರ್ಮನಿ ಮತ್ತು ಇಂಡೋನೇಷ್ಯಾ ಹಾಗೂ ಚೆನ್ನೈನ ಸತ್ಯಾಂಬ ವಿವಿ ಮತ್ತು ಕಾಲೇಜ್‌ ಆಫ್‌ ಎಂಜಿನಿಯರಿಂಗ್‌ ಪುಣೆಯ ತಲಾ ಒಂದೊಂದು ಉಪಗ್ರಹಗಳನ್ನ ಹೊತ್ತ ಪಿಎಸ್‌ಎಲ್‌ವಿ ಕಕ್ಷೆಗೆ ನೆಗೆಯಲಿದೆ. ಕಾರ್ಟೊಸ್ಯಾಟ್‌ ಮಹತ್ವ ಏನು?: ನಕ್ಷೆ, ನಗರ, ಗ್ರಾಮೀಣ ಹಾಗೂ ಕರಾವಳಿ ಭಾಗದ ಭೂಮಿಯ ಬಳಕೆ , ನೀರು ಸರಬರಾಜು ವ್ಯವಸ್ಥೆ ಹಾಗೂ ಇತರ ಮಾಹಿತಿಗಳನ್ನು ಪಡೆಯಲು ಈ ಉಪಗ್ರಹ ಸಹಾಯ ಮಾಡಲಿದೆ. ವಿದ್ಯಾರ್ಥಿಗಳ ಸಣ್ಣ ಪ್ರಯತ್ನ: ಈ ನಡುವೆ ಹಸಿರು ಮನೆ ಪರಿಣಾಮದ ಬಗ್ಗೆ ಅಧ್ಯಯನ ನಡೆಸಲು ಚೆನ್ನೈನ ಸತ್ಯಾಂಬ ವಿವಿ ಮುಂದಾಗಿದ್ದು, ಇದಕ್ಕಾಗಿ ಅದು 1.5 ಕೆ.ಜಿ. ತೂಕದ ಉಪಕರಣವನ್ನು ರೆಡಿ ಮಾಡಿದೆ. ಇನ್ನು ಪುಣೆ ಎಂಜಿನಿಯರಿಂಗ್‌ ಕಾಲೇಜಿನ ವಿದ್ಯಾರ್ಥಿಗಳು, ಎಂಎಎಮ್‌ ರೇಡಿಯೋದಿಂದ ಪಾಯಿಂಟ್‌ ಟೂ ಪಾಯಿಂಟ್‌ ಸಂದೇಶ ರವಾನಿಸುವ ಉದ್ದೇಶದಿಂದ ಚಿಕ್ಕ ಉಪಗ್ರಹ ಉಡ್ಡಯನ ಮಾಡಲು ಮುಂದಾಗಿವೆ.
↧
20 ಉಪಗ್ರಹಗಳ ಉಡಾವಣೆ ಇಂದು
↧