ಸೂರತ್: ಸಾಲಬಾಧೆಯಿಂದ ರೈತರು ಆತ್ಮಹತ್ಯೆಗೆ ಶರಣಾಗುವುದು ದೇಶದೆಲ್ಲೆಡೆ ಹೆಚ್ಚಾಗುತ್ತಿದೆ. ಕೇವಲ 1 ಲಕ್ಷ ರೂ. ಸಾಲಕ್ಕಾಗಿ ಇಲ್ಲಿನ ಒಬ್ಬರು ರೈತರು ಮೂರು ಬಾರಿ ಆತ್ಮಹತ್ಯೆಗೆ ಯತ್ನಿಸಿದ್ದು, ನಾಲ್ಕನೇ ಯತ್ನದಲ್ಲಿ ಮೃತಪಟ್ಟಿದ್ದಾರೆ.
ಕಳೆದ ನಾಲ್ಕು ತಿಂಗಳಿನಲ್ಲಿ ನಾಲ್ಕು ಬಾರಿ ಸಾಯಲು ಯತ್ನಿಸಿದ ನವಸಾರಿ ಜಿಲ್ಲೆಯ ಬಿಲಿಮೊರಾ ಪಟ್ಟಣದ ನಿವಾಸಿ ನಿಕುಂಜ್ ಪಂಚಾಲ್ (32) ಈ ಕೃತ್ಯವೆಸಗಿಕೊಂಡವರು.
ಮಾಡಿದ ಸಾಲ ತೀರಿಸಲಾಗದೇ ಪಂಚಾಲ್ ಖಿನ್ನತೆಗೊಳಗಾಗಿದ್ದರೆಂದು ಅವರನ್ನು ಬಲ್ಲವರು ಹೇಳುತ್ತಾರೆ. ಪಂಚಾಲ್ ತಮ್ಮ ಮನೆಯ ಫ್ಯಾ‌ನಿಗೆ ಟವೆಲ್‌ನಿಂದ ನೇಣು ಬಿಗಿದುಕೊಂಡು ಸಾವಿಗೆ ಶರಣಾಗಿದ್ದಾರೆ. ಇವರು ಈ ಕೃತ್ಯವೆಸಗಿಕೊಳ್ಳುವಾಗ ಮನೆಯಲ್ಲಿ ಯಾರೂ ಇರಲಿಲ್ಲ.
ಬಿಲಿಮೊರಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು, ತನಿಖೆ ನಡೆಸುತ್ತಿದ್ದಾರೆ.
↧
ಆತ್ಮಹತ್ಯೆಗೆ ಯತ್ನ: 4ನೇ ಬಾರಿ ಪ್ರಾಣ ತೆತ್ತ ರೈತ
↧