ಬೆಂಗಳೂರು: ಮಗಳ ಸಾವಿನ ನೋವಿನಿಂದ ಖಿನ್ನತೆಗೆ ಜಾರಿದ್ದ ತಂದೆ, ಮನೆಯಲ್ಲಿ ಯಾರೂ ಇಲ್ಲದ ವೇಳೆಯಲ್ಲಿ ನೇಣಿಗೆ ಶರಣಾಗಿ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಪರಪ್ಪನ ಅಗ್ರಹಾರದಲ್ಲಿ ನಡೆದಿದೆ. ಪರಪ್ಪನ ಅಗ್ರಹಾರ ಸಮೀಪದ ರಾಯಸಂದ್ರ ನಿವಾಸಿ ಡ್ಯಾನಿಯಲ್‌ ಎಡ್ವಿನ್‌ (44) ಮೃತರು. ಕೆಲವು ದಿನಗಳ ಹಿಂದೆ ಎಡ್ವಿನ್‌ ಅವರ ಮಗಳು ವಿದ್ಯುತ್‌ ಪ್ರವಹಿಸಿ ಸಂಭವಿಸಿದ ಅನಾಹುತದಲ್ಲಿ ಸಾವಿಗೀಡಾಗಿದ್ದಳು. ಇದೇ ದುಃಖದಿಂದ ಖಿನ್ನರಾಗಿದ್ದ ಅವರು ನೇಣು ಹಾಕಿಕೊಂಡು ಮೃತಪಟ್ಟಿದ್ದಾರೆ ಎಂದು ಪೊಲೀಸರು ತಿಳಿಸಿದರು. ಮಗಳ ಸಾವಿನ ನೋವಿನಲ್ಲಿದ್ದ ಡ್ಯಾನಿಯಲ್‌ ಪತ್ನಿ ಗೀತಾ ತವರಿಗೆ ಹೋಗಿದ್ದರು. ಆ ಸಮಯದಲ್ಲಿ ಅವರು ಆತ್ಮಹತ್ಯೆಗೆ ಶರಣಾಗಿದ್ದಾರೆ . ಮಂಗಳವಾರ ಸಂಜೆ ಪತ್ನಿ ಗೀತಾ ಮನೆಗೆ ಮರಳಿದಾಗ ಪ್ರಕರಣ ಬೆಳಕಿಗೆ ಬಂದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
↧
ಮಗಳ ಸಾವಿನಿಂದ ಖಿನ್ನತೆ: ತಂದೆ ಆತ್ಮಹತ್ಯೆ
↧