ಮುಂಬಯಿ: ಕೇಂದ್ರ ಸರಕಾರದ ಪ್ರಬಲ ಆರ್ಥಿಕ ಸುಧಾರಣಾ ಕ್ರಮಗಳು ಮುಂಬಯಿ ಷೇರು ಮಾರುಕಟ್ಟೆ ಸಂವೇದಿ ಸೂಚ್ಯಂಕದ ಮೇಲೆ ಬುಧವಾರ ಸಕಾರಾತ್ಮಕ ಪ್ರಭಾವ ಬೀರಿದ್ದು, ಸೂಚ್ಯಂಕ ಬರೋಬ್ಬರಿ 576 ಅಂಕ ಜಿಗಿಯಿತು. ಮೂರು ತಿಂಗಳಿನಲ್ಲೇ ಗರಿಷ್ಠ, ಅಂದರೆ 576 ಅಂಕ ಗಳಿಸಿದ ಸೂಚ್ಯಂಕ 25,881.17ಕ್ಕೆ ದಿನದಾಟ ಮುಕ್ತಾಯಗೊಳಿಸಿತು. ನಿಫ್ಟಿ 186.05 ಅಂಕ ಗಳಿಸಿ 7,941.20 ಅಂಕಗಳ ಎತ್ತರಕ್ಕೇರಿತು. ಕಾರ್ಪೊರೇಟ್‌ ಕಂಪನಿಗಳ ಉತ್ತಮ ಆದಾಯ, ಉತ್ತಮ ಮುಂಗಾರು ಮುನ್ಸೂಚನೆ ಕೂಡ ಹೂಡಿಕೆದಾರರನ್ನು ಉತ್ತೇಜನಗೊಳಿಸಿತು. ಕೇಂದ್ರ ಸಚಿವ ಸಂಪುಟ ನೂತನ ಬಂಡವಾಳ ಸರಕು ನೀತಿಯನ್ನು ಬುಧವಾರ ಅಂಗೀಕರಿಸಿದ್ದು, 2025ರ ವೇಳೆಗೆ 2.1 ಕೋಟಿ ಉದ್ಯೋಗ ಸೃಷ್ಟಿಸುವ ಸಾಧ್ಯತೆ ಇದೆ. ಜಾಗತಿಕ ಷೇರು ಸೂಚ್ಯಂಕಗಳೂ ಚೇತರಿಸಿತ್ತು. ಒಟ್ಟು 1,579 ಷೇರುಗಳು ಲಾಭ ಗಳಿಸಿದರೆ, 960 ಷೇರುಗಳು ನಷ್ಟಕ್ಕೀಡಾಯಿತು. ವಿದೇಶಿ ಹೂಡಿಕೆದಾರರು ಮಂಗಳವಾರ 815 ಕೋಟಿ ರೂ. ಬೆಲೆಯ ಷೇರುಗಳನ್ನು ಮಾರಾಟ ಮಾಡಿದ್ದರು.
↧
ಸೆನ್ಸೆಕ್ಸ್‌ 576 ಅಂಕ ಜಿಗಿತ
↧