ಗುಳೇದಗುಡ್ಡ: ಪಟ್ಟಣದ ಗ್ರಾಮದೇವತೆ ಶ್ರೀ ಮೂಕೇಶ್ವರಿ ಗುಡ್ಡದ ಮೇಲೆ ಇರುವ ಶ್ರೀ ಮೂಕೇಶ್ವರಿ ದೇವಸ್ಥಾನದ ಕಳಸ ಸೋಮವಾರ ಕಳ್ಳತನವಾಗಿತ್ತು. ಆದರೆ ಬುಧವಾರ ರಾತ್ರಿ ಸಮಯದಲ್ಲಿ ಮರಳಿ ಗುಡಿಯ ಗೋಪುರದ ಮೇಲೆ ಕಳ್ಳರು ಕಳಸ ಅಳವಡಿಸಿ ಹೋಗಿದ್ದಾರೆ. ಗುರುವಾರ ಬೆಳಗ್ಗೆ ಗುಡ್ಡದ ಮೇಲಿರುವ ದೇವಸ್ಥಾನದ ಗೋಪುರದ ಮೇಲೆ ತುರಾಯಿ ಹಾರಾಡುತ್ತಿದ್ದನ್ನು ನೋಡಿದ ಅಲ್ಲಿಯ ಕೆಲ ಜನರಿಗೆ ಕಳಸ ಕಂಡಿದೆ. ಆಗ ಕಳ್ಳತನವಾದ ಕಳಸವನ್ನು ವಾಪಸ್‌ ಕಳ್ಳರು ತಂದು ಇಟ್ಟು ಪರಾರಿಯಾಗಿದ್ದಾರೆಂದು ಜನರು ಅರಿತು ಎಲ್ಲರಿಗೂ ವಿಷಯ ತಿಳಿಸಿದ್ದಾರೆ. ಗ್ರಾಮದೇವತೆ ಶ್ರೀ ಮೂಕೇಶ್ವರಿ ದೇವಿ ಜಾತ್ರೆ ನಿಮಿತ್ತ ಉಡಿ ತುಂಬುವ ಹಿಂದಿನ ದಿನ (ಸೋಮವಾರ ಬೆಳಗ್ಗೆ) ಕಳವು ಆಗಿತ್ತು. ಅದು ಮಂಗಳವಾರ ಭಕ್ತರ ಗಮನಕ್ಕೆ ಬಂದಿದೆ. ಪರ್ವತಿ ಗ್ರಾಮದ ಶೆಡ್ಲಿ ಅವರ ಮನೆಯಿಂದ ಮೆರವಣಿಗೆ ಮೂಲಕ ಕಳಸ ತಂದು ಗೋಪುರಕ್ಕೆ ಕೂಡ್ರಿಸಲಾಗಿತ್ತು. ಮತ್ತೆ ಕಳಸ ಮರಳಿ ತಂದು ಅಳವಡಿಸಿರುವುದು ಭಕ್ತರು ನಿಟ್ಟುಸಿರುಬಿಡುವಂತೆ ಮಾಡಿದೆ.
↧
ಕಳುವಾದ ಕಳಸ ವಾಪಸ್‌ !
↧