ಖಾಸಗಿ ಮೊಬೈಲ್ ಫೋನ್ ಆಪರೇಟರ್ 'ಏರ್‌ಸೆಲ್', ಮಾರುಕಟ್ಟೆ ವಿಸ್ತರಣೆಯ ಭಾಗವಾಗಿ ದೀಪಾವಳಿ ಹಬ್ಬಕ್ಕೆ ಉಚಿತ ರೋಮಿಂಗ್ ಪ್ಯಾಕ್ ಕೊಡುಗೆ ಪ್ರಕಟಿಸಿದೆ. 'ಅಪ್ನೊ ಕೆ ಸಾಥ್' ಹೆಸರಿನಲ್ಲಿ ಘೋಷಿಸಿರುವ ದೀಪಾವಳಿ ರೋಮಿಂಗ್ ಪ್ಯಾಕ್ ಕೊಡುಗೆಯ ಅನ್ವಯ, ಏರ್‌ಸೆಲ್‌ನ ರೋಮಿಂಗ್ ಪ್ಯಾಕ್‌ನಲ್ಲಿ 100ರಿಂದ 167 ನಿಮಿಷಗಳ ಒಳ ಮತ್ತು ಹೊರ ಸ್ಥಳೀಯ ಮತ್ತು ಎಸ್‌ಟಿಡಿ ರೋಮಿಂಗ್ ಕರೆಗಳು ಉಚಿತ. ಜತೆಗೆ, 35ರಿಂದ 51 ರೂ.ನ ಅತ್ಯಲ್ಪ ಬೆಲೆಗೆ 100 ಎಂಬಿ ಡೇಟಾದ ಹೆಚ್ಚುವರಿ ಪ್ರಯೋಜನ ಲಭ್ಯ. ಇದು ಕರ್ನಾಟಕ ಸೇರಿದಂತೆ ದೇಶದ 9 ದೂರಸಂಪರ್ಕ ವೃತ್ತಗಳಿಗೆ ಮಾತ್ರ ಅನ್ವಯ ಎಂದು ಕಂಪನಿ ತಿಳಿಸಿದೆ.
ಕರ್ನಾಟಕ, ಆಂಧ್ರ ಪ್ರದೇಶ, ಚೆನ್ನೈ, ಹೊಸದಿಲ್ಲಿ, ಮುಂಬಯಿ, ಮಹಾರಾಷ್ಟ್ರ, ಒಡಿಶಾ, ರಾಜಸ್ಥಾನ ಮತ್ತು ತಮಿಳುನಾಡು ರಾಜ್ಯಗಳ ಪ್ರೀಪೇಡ್ ಗ್ರಾಹಕರು ದೀಪಾವಳಿ ಹಬ್ಬದ ಸೀಸನ್‌ನಲ್ಲಿ 30 ದಿನಗಳ ಕಾಲ ರೋಮಿಂಗ್ ಶುಲ್ಕದ ಆತಂಕದಿಂದ ಮುಕ್ತರಾಗಿ ಉಚಿತವಾಗಿ ಸಂಭಾಷಣೆ ನಡೆಸಬಹುದು. ಜತೆಗೆ, 2ಜಿ ಮತ್ತು 3ಜಿ ಡೇಟಾದಲ್ಲಿ ಹೆಚ್ಚುವರಿ 100 ಎಂಬಿ ಡೇಟಾದ ಪ್ರಯೋಜನ ಪಡೆಯಬಹುದು. ಸಂಬಂಧಿಕರು ಮತ್ತು ಸ್ನೇಹಿತರಿಗೆ ಆನ್‌ಲೈನ್‌ನಲ್ಲಿ ಹಬ್ಬದ ಶುಭಾಷಯ ವಿನಿಮಯ ಮಾಡಿಕೊಳ್ಳಲು ಈ ಹೆಚ್ಚುವರಿ ಡೇಟಾ ಬಳಸಬಹುದು ಎಂದು ಏರ್‌ಸೆಲ್ ತಿಳಿಸಿದೆ.
ಅಪ್ನೊ ಕೆ ಸಾಥ್ ಪ್ಯಾಕ್‌ನಲ್ಲಿ ಗ್ರಾಹಕರು 100ರಿಂದ 167 ನಿಮಿಷಗಳ ಉಚಿತ ಒಳ ಮತ್ತು ಹೊರ ರೋಮಿಂಗ್ ಕರೆ ಮಾಡಬಹುದು ಎಂದು ಏರ್‌ಸೆಲ್ ಮುಖ್ಯ ಮಾರುಕಟ್ಟೆ ಅಧಿಕಾರಿ ಅನುಪಮ್ ವಾಸುದೇವ್ ತಿಳಿಸಿದ್ದಾರೆ.
ಎಕನಾಮಿಕ್ ಟೈಮ್ಸ್ ಕೋಲ್ಕೊತಾ