ಭಾರತದಲ್ಲಿ ವೊಡಾಫೋನ್ 13,000 ಕೋಟಿ ರೂ. ಹೂಡಿಕೆ

ಹೊಸದಿಲ್ಲಿ: ಭಾರತದಲ್ಲಿ ವೊಡಾಫೋನ್ 13,000 ಕೋಟಿ ರೂ.ಗಳನ್ನು ಹೂಡಿಕೆ ಮಾಡುವುದಾಗಿ ಘೋಷಿಸಿದೆ.

ಲಂಡನ್‌ನಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರ ಭೇಟಿ ಸಂದರ್ಭ ವೊಡಾಫೋನ್ ಗ್ರೂಪ್‌ನ ಸಿಇಒ ವಿಟ್ಟೋರಿ ಕೊಲಯೊ ಈ ವಿಷಯ ತಿಳಿಸಿದ್ದಾರೆ. ಕಂಪನಿ ತನ್ನ ಸಾಮರ್ಥ್ಯವನ್ನು ವೃದ್ಧಿಸಲು 8,000 ಕೋಟಿ ರೂ. ಮತ್ತು ಮೇಕ್ ಇನ್ ಇಂಡಿಯಾ ಯೋಜನೆಗೆ 4,000 ಕೋಟಿ ರೂ. ಮತ್ತು ಹಣಕಾಸು ಸೇರ್ಪಡೆಯ ಸಲುವಾಗಿ 1,000 ಕೋಟಿ ರೂ.ಗಳನ್ನು ವಿನಿಯೋಗಿಸಲಿದೆ ಎಂದು ವೊಡಾಫೋನ್ ಹೇಳಿಕೆ ತಿಳಿಸಿದೆ.