ಹೊಸದಿಲ್ಲಿ: ಜಾಗತಿಕ ಮಟ್ಟದಲ್ಲಿ ಬೆಲೆ ಇಳಿಕೆಯ ಪರಿಣಾಮ ಬಂಗಾರದ ದರದಲ್ಲಿ ಶುಕ್ರವಾ300 ರೂ. ಇಳಿಕೆಯಾಗಿದ್ದು, ಹೊಸದಿಲ್ಲಿಯಲ್ಲಿ 10 ಗ್ರಾಮ್‌ಗೆ 25,950 ರೂ.ಗೆ ತಗ್ಗಿತು. ಕಳೆದ ಮೂರು ತಿಂಗಳಿನ ಅವಧಿಯಲ್ಲಿಯೇ ಇದು ಕನಿಷ್ಠ ಮಟ್ಟವಾಗಿದೆ. ಬೆಳ್ಳಿ ಕೂಡ 500 ರೂ. ತಗ್ಗಿದ್ದು, ಪ್ರತಿ ಕೆ.ಜಿಗೆ 34,400 ರೂ.ಗೆ ಇಳಿದಿದೆ.
ಅಮೆರಿಕದಲ್ಲಿ ಫೆಡರಲ್ ರಿಸರ್ವ್ ಈ ವರ್ಷ ಬಡ್ಡಿ ದರವನ್ನು ಏರಿಸುವ ಸಾಧ್ಯತೆ ಹಿನ್ನೆಲೆಯಲ್ಲಿ ಹೂಡಿಕೆದಾರರು ಬಂಗಾರದ ಮೇಲಿನ ಹೂಡಿಕೆಯನ್ನು ಹಿಂತೆಗೆದುಕೊಂಡು ಡಾಲರ್‌ನತ್ತ ಆಕರ್ಷಿತರಾಗುತ್ತಿದ್ದಾರೆ. ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಬಂಗಾರದ ಬೆಲೆ ಐದು ವರ್ಷಗಳ ಹಿಂದಿನ ಮಟ್ಟಕ್ಕೆ ತಗ್ಗಿದೆ. ಸಿಂಗಾಪುರದಲ್ಲಿ ಪ್ರತಿ ಔನ್ಸಿಗೆ 1,080.40 ಡಾಲರ್‌ನಷ್ಟಿತ್ತು.
ದೀಪಾವಳಿಯ ಸಮಾಪ್ತಿಯೊಂದಿಗೆ ದೇಶೀಯ ಮಾರುಕಟ್ಟೆಯಲ್ಲಿ ಕೂಡ ಚಿನ್ನಕ್ಕೆ ಬೇಡಿಕೆ ಇಳಿಮುಖವಾಯಿತು. ಬೆಳ್ಳಿಯ ನಾಣ್ಯಗಳೂ 1000 ರೂ. ಅಗ್ಗವಾಗಿದ್ದು, 100 ನಾಣ್ಯಗಳ ಖರೀದಿ ದರ 47,000 ರೂ. ಹಾಗೂ ಮಾರಾಟ ದರ 48,000 ರೂ.ಗೆ ತಗ್ಗಿದೆ.
↧
ಬಂಗಾರ ದರ 300 ರೂ. ಇಳಿಕೆ
↧