ಕಾಠ್ಮಂಡು: ಹದಿನಾರು ವರ್ಷಗಳ ಹಿಂದೆ ಹಿಮಾವಯ ಪರ್ವತಾಹೋರಣದ ವೇಳೆ ಹಿಮಪಾತಕ್ಕೆ ಸಿಲುಕಿ ಸಮಾಧಿಯಾಗಿದ್ದ ಅಮೆರಿಕದ ಅಲೆಕ್ಸ್‌ ಲೋವ್‌ ಮತ್ತು ಅವರ ಕ್ಯಾಮೆರಾಮನ್‌ ಅವರ ಶವ ಈಗ ಪತ್ತೆಯಾಗಿದೆ. ಹಿಮದ ಗಡ್ಡೆಯಲ್ಲಿ ಸಿಲುಕಿರುವ ಇಬ್ಬರ ಶವವನ್ನು ಪರ್ವತಾರೋಹಿಗಳು ಪತ್ತೆ ಹಚ್ಚಿದ್ದಾರೆ. ಈಗ ಶವ ಹಿಮದಿಂದ ಹೊರ ಬಂದಿದೆ ಎಂದು ಲೋವ್‌ ನೆನಪಿನಲ್ಲಿ ಹುಟ್ಟಿಕೊಂಡ ಫೌಂಡೇಷನ್‌ ಪ್ರಕಟಣೆಯಲ್ಲಿ ತಿಳಿಸಿದೆ. 1999 ಅಕ್ಟೋಬರ್‌ ತಿಂಗಳಲ್ಲಿ ಅಮೆರಿಕದ ಪರ್ವತಾರೋಹಿ ಲೋವ್‌ (40) ಹಾಗೂ ಅವರ ಕ್ಯಾಮೆರಾಮನ್‌ ಡೇವಿಡ್‌ ಬ್ರಿಡ್ಜ್‌ (29) ಚೀನಾ ಭಾಗದಲ್ಲಿರುವ 8,027 ಮೀ. ಎತ್ತರದಲ್ಲಿರುವ ಶಿಶಾ ಪಾಂಗ್ಮಾ ಶಿಖರದಲ್ಲಿ ಸಮಾಧಿಯಾಗಿದ್ದರು. ಹಿಮಪಾತದಲ್ಲಿ ಬದುಕಿ ಉಳಿದಿದ್ದ ಕೊನಾರ್ಡ್‌ ಆ್ಯಂಕರ್‌ ತಾಯ್ನಾಡಿಗೆ ಹಿಂದಿರುಗಿ ಲೋವ್‌ ಅವರ ಪತ್ನಿಯನ್ನು ಮದುವೆಯಾಗಿ, ಅವರ ಮೂರು ಮಕ್ಕಳನ್ನು ದತ್ತು ಪಡೆದಿದ್ದರು. ಈಗ ಮೃತ ದೇಹಗಳನ್ನು ಪಡೆಯಲು ಟಿಬೇಟ್‌ಗೆ ಪ್ರಯಾಣ ಬೆಳೆಸಿದ್ದಾರೆ. ಮಗನ ಶವ ಸಿಕ್ಕಿರುವುದಕ್ಕೆ ಅಲೆಕ್ಸ್‌ ಅವರ ಹೆತ್ತವರಲ್ಲು ಕೂಡ ಧನ್ಯತಾ ಭಾವ ಮೂಡಿದೆ ಎಂದು ಜೆನ್ನಿಫೇರ್‌ ಲೋವ್‌-ಆ್ಯಂಕರ್‌ ಹೇಳಿದ್ದಾರೆ. ಸುದ್ದಿ ತಿಳಿದಾಗ ಲೋಗ್‌ ಮತ್ತು ಆ್ಯಂಕರ್‌ ನೇಪಾಳದಲ್ಲಿದ್ದರು. ಸ್ಥಳೀಯ ಪರ್ವತಾರೋಹಿಗಳಿಗಾಗಿ ತರಬೇತಿ ನೀಡಲು ಇವರು ಖುಂಬು ತರಬೇತಿ ಕೇಂದ್ರವನ್ನು ಸ್ಥಾಪಿಸಿದ್ದರು, ಲೋವ್‌ ನೆನಪಿನಲ್ಲಿ ಸ್ಥಾಪನೆಗೊಂಡ ಈ ಕೇಂದ್ರಕ್ಕೆ ಈಗ ನೂತನ ಕಟ್ಟ ನಿರ್ಮಿಸಲಾಗುತ್ತಿದೆ.
↧
16 ವರ್ಷಗಳ ನಂತರ ಸಿಕ್ಕಿತು ಪರ್ವತಾರೋಹಿಗಳ ಶವ
↧