ಯೋಧರಿಗೆ ಹೆಚ್ಚಿನ ಮೂಲಭೂತ ಸೌಕರ್ಯ ಒದಗಿಸುವ ಜತೆಗೆ ಮನೆಯ ವಾತಾವರಣ ಕಲ್ಪಿಸುವ ಬಗ್ಗೆ ಬಿಎಸ್‌ಎಫ್‌ ಕೇಂದ್ರ ಕಚೇರಿಯಲ್ಲಿ ಮಾತುಕತೆ ನಡೆದಿರುವ ಬಗ್ಗೆ ಬಿಎಸ್‌ಎಫ್‌ ಡಿಜಿ ಕೆ.ಕೆ ಶರ್ಮ ತಿಳಿಸಿದ್ದಾರೆ.
'ಯೋಧರು ವಿವಾಹವಾದ ಕೂಡಲೇ ವಾಪಸಾಗಿ ಕರ್ತವ್ಯಕ್ಕೆ ನಿಯೋಜನೆಗೊಳ್ಳುತ್ತಿರುವ ಬಗ್ಗೆ ಬಹಳ ದಿನಗಳಿಂದಲೂ ಅಸಮಾಧಾನ ಇದೆ. ಕುಟುಂಬದಿಂದ ದೂರ ಇರುವ ನೋವು ಅವರ ಕೆಲಸದ ಮೇಲೆ ಅಡ್ಡಪರಿಣಾಮ ಬೀರುವುದು,' ಎಂದು ಶರ್ಮ ಹೇಳಿದ್ದಾರೆ.
'ಹೊಸ ನಿಯಮ ಆರಂಭಿಕ ಹಂತದಲ್ಲಿದ್ದು, ಗಡಿ ಔಟ್‌ಪೋಸ್ಟ್‌ಗಳಲ್ಲಿರುವ ನವ ವಿವಾಹಿತ ಯೋಧರ ಜತೆ ಪತ್ನಿಯೂ ಒಂದು ವರ್ಷ ಇರಲು ಅವಕಾಶ ಮಾಡಿಕೊಡಲಾಗುವುದು. ಈ ನಿಟ್ಟಿನಲ್ಲಿ ಅವರಿಗೆ ವಸತಿ ಸೌಕರ್ಯ ಹೆಚ್ಚಿಸುವ ಕೆಲಸ ನಡೆಯುತ್ತಿದೆ. ಕುಟುಂಬದ ಜತೆ ಇರುವುದರಿಂದ ಯೋಧರ ಕಾರ್ಯಕ್ಷತೆ ಹೆಚ್ಚುವುದು,' ಎಂದು ಬಿಎಸ್‌ಎಫ್‌ ಐಜಿ ಬಿ ಆರ್‌. ಮೇಘ್ವಾಲ್‌ ಹೇಳಿದ್ದಾರೆ.
ಗಡಿ ಚೌಕಿಯ ಸಮೀಪದ ಗ್ರಾಮಗಳಲ್ಲಿ ನವ ವಿವಾಹಿತ ಯೋಧರಿಗೆ ಬಾಡಿಗೆ ಮನೆಗಳನ್ನು ಒದಗಿಸುವ ಬಗ್ಗೆಯೂ ಚಿಂತನೆ ನಡೆದಿದೆ ಎನ್ನಲಾಗಿದೆ.
ಜೈಸಲ್ಮೇರ್‌: ಅಂತಾರಾಷ್ಟ್ರೀಯ ಗಡಿ ಕಾಯುವ ದೇಶದ ಯೋಧರಿಗೆ ಖುಷಿ ಸುದ್ದಿ, ನವ ವಿವಾಹಿತ ಯೋಧರು ಇನ್ನು ಪತ್ನಿ ಜತೆ ಇರಲು ಬಿಎಸ್‌ಎಫ್‌ ಅವಕಾಶ ಕಲ್ಪಿಸಲಿದೆ.