ಇಲ್ಲಿನ ಡಿಯೊಡೊರೊ ಪಾರ್ಕ್‌ನಲ್ಲಿರುವ ಒಲಿಂಪಿಕ್ ಶೂಟಿಂಗ್ ಸೆಂಟರ್‌ನಲ್ಲಿ ನಡೆದ ಪುರುಷರ ಸ್ಕೀಟ್ ಫೈನಲ್‌ನಲ್ಲಿ ಸ್ವೀಡನ್‌ನ ಮಾರ್ಕಸ್ ಸ್ವೆನನ್ ವಿರುದ್ಧ ಟೈ ಬ್ರೇಕರ್ ಹಣಾಹಣಿಯಲ್ಲಿ ಸೋತು ರಜತಕ್ಕೆ ತೃಪ್ತಿ ಪಟ್ಟರು. ಇದಕ್ಕೂ ಮೊದಲು 16 ಶಾಟ್‌ಗಳಲ್ಲಿ 14 ಗುರಿ ಹೊಡೆದಿದ್ದ ಇಬ್ಬರೂ ಸಮಬಲ ಸಾಧಿಸಿದ್ದರು. ಅಂತಿಮವಾಗಿ ಟೈಬ್ರೇಕರ್‌ನಲ್ಲಿ ಮಾರ್ಕಸ್ 2-1ರ ಮುನ್ನಡೆಯೊಂದಿಗೆ ಚಿನ್ನ ತಮ್ಮದಾಗಿಸಿಕೊಂಡರು. ಇಟಲಿಯ ಟಾಮಾರೊ ಕ್ಯಾಸನಾರ್ಡೊ ಕಂಚಿನ ಪದಕ ಗೆದ್ದರು.
ಅರ್ಹತಾ ಸುತ್ತಿನಲ್ಲಿ 125ರಲ್ಲಿ 122ಕ್ಕೆ ಗುರಿಯಿಟ್ಟಿದ್ದ ಮಿರಾಜ್ ಅಗ್ರ 6ರಲ್ಲಿ 2ನೇ ಸ್ಥಾನ ಗಿಟ್ಟಿಸಿ ನಾಕ್‌ಔಟ್ ಸ್ಪರ್ಧೆಗೆ ಮುನ್ನಡೆದಿದ್ದರು. ಸೆಮಿಫೈನಲ್‌ನಲ್ಲಿ ಮಿರಾಜ್ ಮತ್ತು ಮಾರ್ಕಸ್ 16ರಲ್ಲಿ 15 ಗುರಿಗಳನ್ನು ಹೊಡೆದು ಫೈನಲ್ ಅರ್ಹತೆ ಸಂಪಾದಿಸಿದ್ದರು. ಕಳೆದ 13 ವರ್ಷಗಳಿಂದ ಶೂಟಿಂಗ್‌ನಲ್ಲಿ ತೊಡಗಿಸಿಕೊಂಡಿರುವ ಮಿರಾಜ್ ಅವರ ವೃತ್ತಿ ಬದುಕಿನ ಶ್ರೇಷ್ಠ ಪ್ರದರ್ಶನ ಇದಾಗಿದೆ.
ಗಗನ್ ನಾರಂಗ್‌ಗೆ ನಿರಾಸೆ
ಇದಕ್ಕೂ ಮುನ್ನ ನಡೆದ 25 ಮೀ. ರ‌್ಯಾಪಿಡ್ ಫೈರ್ ಪಿಸ್ತೂಲ್ ವಿಭಾಗದಲ್ಲಿ ಭಾರತದ ಗುರುಪ್ರೀತ್ ಸಿಂಗ್ 289 ಅಂಕಗಳೊಂದಿಗೆ 14ನೇ ಸ್ಥಾನ ಪಡೆಯುವಷ್ಟಕ್ಕೆ ಶಕ್ತರಾದರು. ಮತ್ತೊಂದೆಡೆ ಗಗನ್ ನಾರಂಗ್, ಚೇನ್ ಸಿಂಗ್ ಹಾಗೂ ಸಂಜೀವ್ ರಜ್ಪೂತ್ ಪುರುಷರ 50 ಮೀ. ರೈಫಲ್ 3 ಪೊಸಿಷನ್‌ನಲ್ಲಿ ಫೈನಲ್ ತಲುಪುವಲ್ಲಿ ವಿಫಲವಾಗಿ ನಿರಾಸೆ ಅನುಭವಿಸಿದರು.
ಡಿಯೊ ಡಿ'ಜನೈರೊ: ಭಾರತದ ಮಿರಾಜ್ ಅಹ್ಮದ್ ಖಾನ್, ಇಲ್ಲಿ ನಡೆಯುತ್ತಿರುವ ಇಂಟರ್‌ನ್ಯಾಷನಲ್ ಶೂಟಿಂಗ್ ಸ್ಪೋರ್ಟ್ ಫೆಡರೇಷನ್ (ಐಎಸ್‌ಎಸ್‌ಎಫ್) ವಿಶ್ವ ಕಪ್(ರೈಫಲ್, ಪಿಸ್ತೂಲ್, ಶಾಟ್‌ಗಲ್)ನ ಪುರುಷರ ಸ್ಕೀಟ್ ವಿಭಾಗದಲ್ಲಿ ಬೆಳ್ಳಿ ಗೆದ್ದಿದ್ದಾರೆ.