ಮುಂಬಯಿ: ಮುಂಬಯಿ ಷೇರು ಮಾರುಕಟ್ಟೆ ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್‌ ಶುಕ್ರವಾರ 42 ಅಂಕಗಳನ್ನು ಕಳೆದುಕೊಂಡಿದ್ದು, 25,838.14ಕ್ಕೆ ದಿನದಾಟ ಮುಕ್ತಾಯಗೊಳಿಸಿತು. ನಿಫ್ಟಿ 12.75 ಅಂಕ ಗಳಿಸಿಕೊಂಡು 7,899.30ಕ್ಕೆ ಸ್ಥಿರವಾಯಿತು. ಅಮೆರಿಕದಲ್ಲಿ ಕಾರ್ಪೊರೇಟ್‌ ವಲಯದ ಕಂಪನಿಗಳ ನೀರಸ ಫಲಿತಾಂಶ ಷೇರು ಮಾರುಕಟ್ಟೆ ವಹಿವಾಟಿನ ಮೇಲೆ ನಕಾರಾತ್ಮಕ ಪ್ರಭಾವ ಬೀರಿತು. ಹಿಂದುಸ್ತಾನ್‌ ಯುನಿಲಿವರ್‌ ಅತಿ ಹೆಚ್ಚು ನಷ್ಟಕ್ಕೀಡಾಯಿತು. (ಶೇ.2.04). ಏಷ್ಯನ್‌ ಪೇಂಟ್ಸ್‌, ಎಚ್‌ಡಿಎಫ್‌ಸಿ, ಸನ್‌ ಫಾರ್ಮಾ, ಐಟಿಸಿ, ಭಾರ್ತಿ ಏರ್‌ಟೆಲ್‌, ಗೇಲ್‌, ಐಸಿಐಸಿಐ ಬ್ಯಾಂಕ್‌, ವಿಪ್ರೊ, ಟಿಸಿಎಸ್‌, ಟಾಟಾ ಸ್ಟೀಲ್‌ ಷೇರುಗಳ ಬೆಲೆಯೂ ಇಳಿಯಿತು. ವಿದೇಶಿ ಹೂಡಿಕೆದಾರರು 805 ಕೋಟಿ ರೂ. ಮೌಲ್ಯದಷ್ಟು ಷೇರುಗಳನ್ನು ಶುಕ್ರವಾರ ಖರೀದಿಸಿದ್ದರು.
↧
ಸೆನ್ಸೆಕ್ಸ್‌ 42 ಅಂಕ ಇಳಿಕೆ
↧