ಬೆಂಗಳೂರು: ಟಫೆ ಕಂಪನಿಯು ತನ್ನ ನೂತನ 40 ಎಚ್‌ಪಿ ಶ್ರೇಣಿಯ ಮಸ್ಸಿ ಫಗ್ರ್ಯೂಸನ್‌ 1035 ಪಿಡಿ ಟ್ರ್ಯಾಕ್ಟರನ್ನು ರಾಜ್ಯದಲ್ಲಿ ಬಿಡುಗಡೆಗೊಳಿಸಿದೆ. ಗ್ರಾಮೀಣ ಉದ್ಯಮಶೀಲತೆಯನ್ನು ಗಮನದಲ್ಲಿಟ್ಟುಕೊಂಡು ಈ ಮಲ್ಟಿ ಪರ್ಪಸ್‌ ಟ್ರ್ಯಾಕ್ಟರ್‌ ಅನ್ನು ಸಿದ್ಧಪಡಿಸಲಾಗಿದೆ. ಸುರಕದ್ಷತೆ, ಉತ್ತಮ ಪ್ರದರ್ಶನ, ವಿನ್ಯಾಸ, ದೃಢತೆಯನ್ನು ಒಳಗೊಂಡಿರುವ ಈ ಟ್ರ್ಯಾಕ್ಟರ್‌, ಉತ್ತಮ ಮೈಲೇಜ್‌ ಕೊಡುತ್ತದೆ. ನಿರ್ವಹಣೆ ವೆಚ್ಚವೂ ಅಲ್ಪ ಎಂದು ಕಂಪನಿ ತಿಳಿಸಿದೆ. ಕೃಷಿ ಕೆಲಸ ಕಾರ್ಯಗಳ ಜತೆಗೆ ವಾಣಿಜ್ಯೋದ್ದೇಶದ ಸರಕು ಸಾಗಣೆಗೂ ಬಳಸಬಹುದು. ಇಂಧನ ಉಳಿತಾಯದ ತಂತ್ರಜ್ಞಾನ, ಹೊಸ ಗೇರ್‌ ಬಾಕ್ಸ್‌, ಸ್ಮಾರ್ಟ್‌ಟೆಕ್‌ ಎಂಜಿನ್‌ ಇತ್ಯಾದಿ ವಿಶೇಷತೆಗಳನ್ನು ಒಳಗೊಂಡಿದೆ. ಟಫೆಯು ವಿಶ್ವದಲ್ಲೇ ಮೂರನೇ ಅತಿ ದೊಡ್ಡ ಟ್ರ್ಯಾಕ್ಟರ್‌ ಉತ್ಪಾದಕ ಕಂಪನಿಯಾಗಿದ್ದು, ವಾರ್ಷಿಕ 1,70,000ಕ್ಕೂ ಹೆಚ್ಚು ಟ್ರ್ಯಾಕ್ಟರ್‌ಗಳನ್ನು ಮಾರಾಟ ಮಾಡುತ್ತದೆ. 9600 ಕೋಟಿ ರೂ.ಗೂ ಹೆಚ್ಚು ವಾರ್ಷಿಕ ವಹಿವಾಟು ಹೊಂದಿದೆ.
↧
ಟಫೆಯಿಂದ ಹೊಸ ಟ್ರ್ಯಾಕ್ಟರ್‌ ಬಿಡುಗಡೆ
↧