ಮುಂಬಯಿ: ಈ ವರ್ಷ ಉತ್ತಮ ಮುಂಗಾರಿನ ಭವಿಷ್ಯವನ್ನು ಹವಾಮಾನ ಇಲಾಖೆ ಹೇಳಿದೆ. ಕಳೆದ ಎರಡು ವರ್ಷಗಳಿಂದ ಸಾಮಾನ್ಯ ಮಟ್ಟಕ್ಕಿಂತ ಕೆಳಗಿದ್ದ ಮುಂಗಾರು ಈ ಸಲ ಸಾಮಾನ್ಯ ಮಟ್ಟವನ್ನು ತಲಿಪಲಿದೆ ಎಂದು ಹೇಳಲಾಗಿದೆ. ಇದು ಷೇರು ಮಾರುಕಟ್ಟೆಯ ಮೇಲೆ ಕೂಡ ಸಕಾರಾತ್ಮಕ ಪ್ರಭಾವ ಬೀರಿದೆ. ತಜ್ಞರ ಪ್ರಕಾರ ವರುಣನ ಕೃಪೆ ಚೆನ್ನಾಗಿದ್ದರೆ ಮುಂಬಯಿ ಷೇರು ಮಾರುಕಟ್ಟೆ ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್‌ 29,000-35,000 ಅಂಕಗಳ ಗಡಿಯನ್ನು ಕ್ರಮಿಸಲಿದೆ. ಡಿಸೆಂಬರ್‌ ವೇಳೆಗೆ ಸೆನ್ಸೆಕ್ಸ್‌ ಕನಿಷ್ಠ 13 ಪರ್ಸೆಂಟ್‌ ಏರಿಕೆ ದಾಖಲಿಸಬಹುದು ಎಂದು ಮಾರುಕಟ್ಟೆ ವಿಶ್ಲೇಷಕರು ಹೇಳಿದ್ದಾರೆ. ಮಳೆ ಸಮೃದ್ಧವಾದರೆ ರಿಸವ್‌ರ್‍ ಬ್ಯಾಂಕ್‌ ಆಫ್‌ ಇಂಡಿಯಾ ಕೂಡ ಬಡ್ಡಿ ದರಗಳನ್ನು ಸಡಿಲಗೊಳಿಸಲಿದೆ. ಜೂನ್‌-ಸೆಪ್ಟೆಂಬರ್‌ ಅವಧಿ ನಿರ್ಣಾಯಕವಾಗಿದ್ದು, ಎಲ್ಲರೂ ವರುಣನ ಕೃಪೆಗಾಗಿ ಕಾದಿದ್ದಾರೆ. ರಿಲಯನ್ಸ್‌ ಇಂಡಸ್ಟ್ರೀಸ್‌, ಟಾಟಾ ಮೋಟಾರ್ಸ್, ಇನ್ಫೋಸಿಸ್‌ ಮತ್ತು ಮಾರುತಿ ಸುಜುಕಿಯ ಷೇರುಗಳಿಗೆ ಭರ್ಜರಿ ಬೇಡಿಕೆಯನ್ನು ನಿರೀಕ್ಷಿಸಲಾಗಿದೆ. ಈ ವರ್ಷದ ಮುಕ್ತಾಯದ ವೇಳೆಗೆ ಸೆನ್ಸೆಲ್ಸ್‌ 29,000ದಿಂದ 35,000 ಅಂಕಗಳನ್ನು ದಾಖಲಿಸುವ ಸಾಧ್ಯತೆ ಇದೆ.
↧
ಉತ್ತಮ ಮುಂಗಾರಿನಿಂದ ಸೆನ್ಸೆಕ್ಸ್‌ ಗಣನೀಯ ಚೇತರಿಕೆ ಸಂಭವ
↧