ಮಲ್ಯ ವಿರುದ್ಧ ವಾರಂಟ್‌: ಕೋರ್ಟ್‌ ತೀರ್ಪು ಇಂದು

950 ಕೋಟಿ ರೂ.ಗಳ ಸಾಲ ದುರ್ಬಳಕೆ ಪ್ರಕರಣ / ಮಲ್ಯ ಬಂಧನಕ್ಕೆ ಹೆಚ್ಚಿದ ಒತ್ತಡ

ಮುಂಬಯಿ: ಐಡಿಬಿಐ ಬ್ಯಾಂಕ್‌ನ 950 ಕೋಟಿ ರೂ. ಸಾಲ ಪ್ರಕರಣಕ್ಕೆ ಸಂಬಂ-ಸಿದಂತೆ ವಿಜಯ್‌ ಮಲ್ಯ ವಿರುದ್ಧ ಜಾಮೀನುರಹಿತ ಬಂಧನ ವಾರಂಟ್‌ ಹೊರಡಿಸಲು ಕೋರಿ ಜಾರಿ ನಿರ್ದೇಶನಾಲಯ ಸಲ್ಲಿಸಿದ್ದ ಮನವಿಯ ಹಣೆಬರಹ ಸೋಮವಾರ ಬಯಲಾಗಲಿದೆ.

ಶನಿವಾರ ಈ ಕುರಿತ ಅರ್ಜಿಯ ವಿಚಾರಣೆ ನಡೆಸಿದ್ದ ವಿಶೇಷ ನ್ಯಾಯಾಲಯ ತೀರ್ಪನ್ನು ಸೋಮವಾರಕ್ಕೆ (ಏ.18) ಕಾಯ್ದಿರಿಸಿತ್ತು. ಕಾಳಧನ ನಿಗ್ರಹ ಕಾಯ್ದೆಯನ್ವಯ ದೂರು ದಾಖಲಾಗಿದ್ದು, ಪ್ರಕರಣ ಸಂಬಂಧ ನ್ಯಾಯಾ-ೕಶ ಪಿ.ಆರ್‌.ಭಾವಕೆ ನೀಡುವ ತೀರ್ಪು ಮಲ್ಯ ಪಾಲಿಗೆ ಇನ್ನಷ್ಟು ಇಕ್ಕಟ್ಟು ತರುವ ನಿರೀಕ್ಷೆ ಇದೆ. ''ಕಿಂಗ್‌ಫಿಷರ್‌ ಏರ್‌ಲೈನ್ಸ್‌ ಪುನಶ್ಚೇತನಕ್ಕಾಗಿ ಐಡಿಬಿಐ ಬ್ಯಾಂಕ್‌ನಿಂದ 950 ಕೋಟಿ ರೂ. ಸಾಲ ಪಡೆದಿದ್ದ ವಿಜಯ್‌ ಮಲ್ಯ ಅವರು, ಅದರಲ್ಲಿ 430 ಕೋಟಿ ರೂ. ಹಣವನ್ನು ವಿದೇಶದಲ್ಲಿ ಆಸ್ತಿ ಖರೀದಿಸಲು ದುರ್ಬಳಕೆ ಮಾಡಿದ್ದಾರೆ. ಪ್ರಕರಣದ ತನಿಖೆಯಿಂದ ತಪ್ಪಿಸಿಕೊಳ್ಳಲು ಮಲ್ಯ ಮುಂದಾಗಿದ್ದು, ಜಾಮೀನುರಹಿತ ಬಂಧನ ವಾರಂಟ್‌ ಹೊರಡಿಸಿದರೆ, ಬ್ರಿಟನ್‌ನಿಂದ ಅವರನ್ನು ಇಲ್ಲಿಗೆ ಖುದ್ದುಕರೆ ತರಬಹುದು,'' ಎಂದು ಜಾರಿ ನಿರ್ದೇಶನಾಲಯದ ವಕೀಲ ವಿನೆಗಾಂವ್ಕರ್‌ ಶನಿವಾರ ವಾದಿಸಿದ್ದರು.

ಪಿಎಎಂಎಲ್‌ಎ ಕೋರ್ಟ್‌ ಮಲ್ಯ ಅವರಿಗೆ ಕ್ರಮವಾಗಿ ಮಾ.10,18 ಮತ್ತು ಏಪ್ರಿಲ್‌ 2ರಂದು ಮೂರು ಸಮನ್ಸ್‌ ಕೊಟ್ಟರೂ, ಅವರು ವಿಚಾರಣೆಗೆ ಹಾಜರಾಗಿಲ್ಲ. ಇಮೇಲ್‌ ಮೂಲಕ ಇ.ಡಿಗೆ ಉತ್ತರಿಸಿದ್ದ ಮಲ್ಯ, ''ನಾನು ಯುರೋಪ್‌ನಲ್ಲಿದ್ದು ಸಾಲ ಪಾವತಿಗೆ ಹಣ ಹೊಂದಿಸುತ್ತಿದ್ದೇನೆ... ಹೀಗಾಗಿ ಕೋರ್ಟ್‌ಗೆ ಹಾಜರಾಗಲು ಸಾಧ್ಯವಾಗುತ್ತಿಲ್ಲ,'' ಎಂದು ಹೇಳಿದ್ದರು.

ತೀವ್ರ ಒತ್ತಡ

ನಾಲ್ಕು ವಾರಗಳ ಅವ-ಗೆ ಮಲ್ಯ ಅವರ ಪಾಸ್‌ಪೋರ್ಟ್‌ ಅನ್ನು ಇತ್ತೀಚೆಗಷ್ಟೆ ವಿದೇಶಾಂಗ ವ್ಯವಹಾರ ಇಲಾಖೆ ಅಮಾನತುಗೊಳಿಸಿತ್ತು. ಈ ಬೆನ್ನಲ್ಲಿಯೇ ಜಾಮೀನುರಹಿತ ಬಂಧನ ವಾರಂಟ್‌ ಜಾರಿಯಾದರೆ ಮಲ್ಯ ಅವರು ತೀವ್ರ ಒತ್ತಡಕ್ಕೆ ಒಳಗಾಗಲಿದ್ದಾರೆ.

ಬ್ರ್ಯಾಂಡ್‌ ಪ್ರಚಾರಕ್ಕೆ 1.7 ಕೋಟಿ ವೇತನ ಸ್ವೀಕಾರ!

ಲಂಡನ್‌/ವಾಷಿಂಗ್ಟನ್‌: ವಿಜಯ... ಮಲ್ಯ ಅವರು ಅಮೆರಿಕದ ಮದ್ಯ ಕಂಪನಿಯೊಂದರಿಂದ ವೇತನ(ಪೇ ಪ್ಯಾಕೇಜ...) ಪಡೆದಿರುವುದು ವರದಿಯಾಗಿದೆ. ಅಮೆರಿಕದ ಕ್ಯಾಲಿಫೋರ್ನಿಯಾ ಮೂಲದ ಮೆಂಡೊಸಿನೋ ಬ್ರೇವಿಂಗ್‌ ಕಂಪನಿಯಿಂದ(ಎಂಬಿಸಿ) ಮಲ್ಯ ಸುಮಾರು 1.7 ಕೋಟಿ ರೂ. ವೇತನವನ್ನು ಪಡೆದಿದ್ದಾರೆ. ಆದರೆ, ಖುದ್ದು ಈ ಕಂಪನಿಯೇ ಆರ್ಥಿಕ ನಷ್ಟದಿಂದ ಬಳಲುತ್ತಿದೆ.

ಎಂಬಿಸಿಗೆ ಸೇರಿದ ಬಿಯರ್‌ ಬ್ರ್ಯಾಂಡ್‌ಗಳನ್ನು ಪ್ರಚಾರ ಮಾಡಲು ಮಲ್ಯಗೆ ವೇತನ ನೀಡಲಾಗುತ್ತಿತ್ತು. 2015ನೇ ಸಾಲಿನ ಅರ್ಧಕ್ಕೂ ಹೆಚ್ಚು ಭಾಗದ ವೇತನವನ್ನು ಮಲ್ಯಗೆ ಕಂಪನಿ ಪಾವತಿಸಿದೆ. ವಿಶ್ವದ ವಿವಿಧ ದೇಶಗಳಲ್ಲಿ ಕಿಂಗ್‌ಫಿಶರ್‌ ಮದ್ಯ ಮಾರಾಟ ಮತ್ತು ಹಂಚಿಕೆಯ ಪರವಾನಗಿ ಪಡೆದಿದ್ದ ಈ ಕಂಪನಿಯ ನಿರ್ದೇಶಕ ಮಂಡಳಿಯ ಮುಖ್ಯಸ್ಥರಾಗಿ ಮಲ್ಯ ಕಾರ್ಯನಿರ್ವಹಿಸುತ್ತಿದ್ದರು. ಅಲ್ಲದೇ ಈ ಕಂಪನಿ ವಿವಿಧ ಬೀಯರ್‌ಗಳನ್ನೂ ಉತ್ಪಾದಿಸಿ, ಮಾರಾಟ ಮಾಡುತ್ತಿತ್ತು. ಮಲ್ಯ ಮಾಲೀಕತ್ವದ ಯುಬಿ ಗ್ರೂಪ್‌ನಲ್ಲಿ ಅತ್ಯ-ಕ ಪರೋಕ್ಷ ಶೇರುಗಳನ್ನೂ ಎಂಬಿಸಿ ಹೊಂದಿತ್ತು. ಲಂಡನ್‌ ಹೊರತುಪಡಿಸಿ ವಿಶ್ವದ ಬೇರೆ ದೇಶಗಳಲ್ಲಿ ಕಂಪನಿಯ ಮದ್ಯ ಉತ್ಪನ್ನವನ್ನು ಪ್ರಚಾರ ಪಡಿಸುವ ಹೊಣೆಯನ್ನು ಮಲ್ಯ ಹೊತ್ತಿದ್ದರು.