ಅಂಡಳಮ್ಮ ಪಾತ್ರದಲ್ಲಿ ಕಾಣಿಸಿಕೊಂಡು ಅದೆಷ್ಟೋ ಹುಡುಗರ ನಿದ್ದೆಗೆಡಿಸಿದ್ದ ಇವರು, ಶಾರದಾಮಣಿಯ ಪಾತ್ರದ ಮೂಲಕ ಸಂಗೀತ ರಸಿಕರನ್ನು ಸೆಳೆಯಲಿದ್ದಾರಂತೆ. ಈ ಪಾತ್ರವೂ ಕೂಡ ವಿಶೇಷವಾಗಿದ್ದು. ಶಾರದಾಮಣಿ ಪಾತ್ರದಲ್ಲೂ ಎರಡು ಶೇಡ್‌ ಇದೆ. ಬದುಕಿನ ಬಂಡೆ ಎಳೆಯಲು ಹಾಲು ಮಾರುವ ಶಾರದಾಮಣಿ, ನೃತ್ಯಗಾರ್ತಿ ಕೂಡ. ಅಪ್ಪನ ಕನಸು ಒಂದಾದರೆ, ಈಕೆಯದ್ದು ಇನ್ನೊಂದು. ಇವರು ಪಾತ್ರ ಮಾಡುತ್ತಾರೆ ಅನ್ನುವ ಕಾರಣಕ್ಕಾಗಿಯೇ ಪಾತ್ರಕ್ಕೆ ಎರಡು ಶೇಡ್‌ ನೀಡಲಾಗಿದೆ.
ಗ್ಲಾಮ್‌ ಪಾತ್ರಗಳ ಜತೆ ಜತೆಗೆ ವಿಶೇಷ ಪಾತ್ರಗಳಲ್ಲೂ ಸುಮನ್‌ ಕಾಣಿಸಿಕೊಂಡಿದ್ದಾರೆ. ಅಲ್ಲದೇ ನೆಗೆಟಿವ್‌ ಭಾವದ ಪಾತ್ರಗಳನ್ನು ಸಲೀಸಾಗಿ ನಿರ್ವಹಿಸುತ್ತಾರೆ. ಹೀಗಾಗಿ ಸುಮನ್‌ಗೆ ಕನ್ನಡದಲ್ಲಿ ಯಾವಾಗಲೂ ಅವಕಾಶಗಳು ಇರುತ್ತವೆ.
ವಿಜಯ ಪ್ರಸಾದ್‌ ನಿರ್ದೇಶನದ ಸಿದ್ಲಿಂಗು ಸಿನಿಮಾದಲ್ಲಿ ಅಂಡಳಮ್ಮ ಪಾತ್ರ ಮಾಡಿದ್ದ ಸುಮನ್‌ ರಂಗನಾಥ್‌, ಇದೇ ನಿರ್ದೇಶಕರ ಹೊಸ ಸಿನಿಮಾದಲ್ಲಿ ಮತ್ತೊಂದು ವಿಶೇಷ ಪಾತ್ರ ನಿರ್ವಹಿಸಿದ್ದಾರೆ. ಅದು ನೃತ್ಯಗಾರ್ತಿ ಶಾರದಾಮಣಿಯ ಕ್ಯಾರೆಕ್ಟರ್‌ ಅನ್ನುವುದು ವಿಶೇಷ.