ಗುರು ದೇಶಪಾಂಡೆ ಚಿರಂಜೀವಿ ಸರ್ಜಾ ನಾಯಕನಾಗಿರುವ ರುದ್ರತಾಂಡವ ಚಿತ್ರ ನಿರ್ದೇಶನ ಮಾಡಿದ್ದರು. ನಂತರ ಎರಡು ಸಿನಿಮಾಗಳಿಗೆ ಸಿದ್ಧರಾದರು. ಒಂದು ನೀನಾಸಂ ಸತೀಶ್‌ ಅಭಿನಯದ ಚಿತ್ರ. ಇನ್ನೊಂದು ಆದಿತ್ಯ ಅಭಿನಯದ ಥಾಕರೆ ಚಿತ್ರ. ಇವೆರಡು ಚಿತ್ರಗಳ ಜತೆಯಲ್ಲೇ ಮೂರನೇ ಚಿತ್ರ ಪ್ರಕಟಿಸಿದ್ದಾರೆ. ಈ ಬಾರಿ ಮೂವರು ನಾಯಕರನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ಅಜಯ್‌ ರಾವ್‌, ಯೋಗಿ ಮತ್ತು ಮದರಂಗಿ ಕೃಷ್ಣ ಒಟ್ಟಿಗೆ ಈ ಚಿತ್ರದಲ್ಲಿ ನಟಿಸಲಿರುವುದು ವಿಶೇಷ. ಚಿತ್ರದ ಹೆಸರನ್ನೂ ಈಗಾಗಲೇ ಪ್ರಕಟಿಸಿದ್ದಾರೆ. 'ಮೂವರು ಹೀರೊಗಳಿರುವ ಚಿತ್ರಕ್ಕೆ ಜಾನ್‌ ಜಾನಿ ಜನಾರ್ದನ್‌ ಎಂದು ಹೆಸರಿಡಲಾಗಿದೆ. ಮುತ್ತಪ್ಪ ರೈ ಬ್ಯಾನರ್‌ನಡಿ ಚಿತ್ರ ನಿರ್ಮಾಣಗೊಳ್ಳಲಿದೆ. ಅಜಯ್‌, ಯೋಗಿ ಮತ್ತು ಕೃಷ್ಣ ಮೂವರ ಕಾಂಬಿನೇಷನ್‌ ಚೆನ್ನಾಗಿ ಮೂಡಿಬರಲಿದೆ' ಎಂದಿದ್ದಾರೆ ನಿರ್ದೇಶಕ ಗುರು ದೇಶಪಾಂಡೆ.
ನಿರ್ದೇಶಕ ಗುರು ದೇಶಪಾಂಡೆ ಎರಡು ಚಿತ್ರಗಳ ಜತೆ ಈಗ ಇನ್ನೊಂದು ಮಲ್ಟಿ ಸ್ಟಾರ್‌ ಚಿತ್ರವನ್ನು ಕೈಗೆತ್ತಿಕೊಂಡಿದ್ದಾರೆ. ಈಗ ಮೂವರು ನಾಯಕರ ಚಿತ್ರಕ್ಕೆ ಆ್ಯಕ್ಷನ್‌ ಕಟ್‌ ಹೇಳಲಿದ್ದಾರೆ.