ಸುಪ್ರೀಂ ಕೋರ್ಟ್ ಮೇಲ್ವಿಚಾರಣೆಯಲ್ಲಿ ತನಿಖೆ ನಡೆಸಬೇಕು ಎಂದು ಆಗ್ರಹಿಸಿರುವ ಕಾಂಗ್ರೆಸ್ ಮುಖಂಡ ಜೈರಾಮ್ ರಮೇಶ್, ದಿಲ್ಲಿ ಜಿಲ್ಲಾ ಕ್ರಿಕೆಟ್ ಒಕ್ಕೂಟ (ಡಿಡಿಸಿಎ) ಮುಖ್ಯಸ್ಥರಾಗಿ ಜೇಟ್ಲಿ ಅವರು ಟ್ವೆಂಟಿ ಫಸ್ಟ್ ಸೆಂಚುರಿ ಮೀಡಿಯಾ ಕಂಪನಿಗೆ ಗುತ್ತಿಗೆ ಕೊಟ್ಟಿದ್ದಾರೆ. ಅದರ ಒಡೆಯ ಲೋಕೇಶ್ ಶರ್ಮಾ ಹೆಸರು ಪನಾಮ ದ್ವೀಪದಲ್ಲಿ ಇತ್ತೀಚೆಗೆ ಬಯಲಾದ ಅಕ್ರಮ ಆಸ್ತಿ ಕೂಡಿಟ್ಟವರ ಪಟ್ಟಿಯಲ್ಲಿದೆ. ಹೀಗಾಗಿ ಜೇಟ್ಲಿ ಇದ್ದರೆ ನ್ಯಾಯಯುತ ತನಿಖೆ ಹೇಗೆ ಸಾಧ್ಯವಾದೀತು ಎಂದು ಪ್ರಶ್ನಿಸಿದ್ದಾರೆ.
ಅರುಣ್ ಜೇಟ್ಲಿಯ ಏಜೆನ್ಸಿಗಳಲ್ಲಿ ನಮಗೆ ನಂಬಿಕೆಯಿಲ್ಲ. ಇದಕ್ಕಾಗಿ ಸರಕಾರವು ಬಹು-ಏಜೆನ್ಸಿ ಇರುವ ಮಂಡಳಿಯೊಂದನ್ನು ರಚಿಸಬೇಕು. ಆದರೂ ಸ್ವತಂತ್ರ ತನಿಖೆ ಸಾಧ್ಯವಿಲ್ಲ. ಹೀಗಾಗಿ, ಪನಾಮ ಕಾಗದಪತ್ರಗಳ ಸೋರಿಕೆಗೆ ಸಂಬಂಧಿಸಿದ ತನಿಖೆಯಿಂದ ಜೇಟ್ಲಿ ಹಿಂದೆ ಸರಿಯಬೇಕು ಎಂದು ರಮೇಶ್ ಆಗ್ರಹಿಸಿದ್ದಾರೆ.
ಹೊಸದಿಲ್ಲಿ: ತೆರಿಗೆ ತಪ್ಪಿಸುವವರ ಸ್ವರ್ಗಸಮಾನ ದೇಶಗಳಲ್ಲಿ ಆಸ್ತಿ ಕೂಡಿಟ್ಟಿರುವ ಭಾರತೀಯರ ಕುರಿತಾದ ತನಿಖೆಯಿಂದ ಕೇಂದ್ರ ಹಣಕಾಸು ಸಚಿವ ಅರುಣ್ ಜೇಟ್ಲಿ ಅವರು ದೂರ ಸರಿಯಬೇಕು ಎಂದು ಕಾಂಗ್ರೆಸ್ ಆಗ್ರಹಿಸಿದೆ.