ಬ್ರಿಟನ್‌ನಲ್ಲಿ ನೆಲೆ ಕಾಣಲು ದಶಕದಿಂದ ನಡೆಸಿದ ಟಾಟಾ ಸ್ಟೀಲ್‌ನ ಪ್ರಯತ್ನಗಳು ಫಲ ನೀಡದೇ, ಅಂತಿಮವಾಗಿ ಮಾರಾಟದ ಆಯ್ಕೆಯನ್ನು ಕಂಪನಿ ಆಯ್ದುಕೊಂಡಿದೆ. ''ಭವಿಷ್ಯದಲ್ಲೂ ಅಭಿವೃದ್ಧಿಯ ಚಹರೆಗಳು ಕಾಣಿಸುತ್ತಿಲ್ಲ. ಉತ್ಪಾದನಾ ವೆಚ್ಚ ಹೆಚ್ಚುತ್ತಿದ್ದು, ಬೇಡಿಕೆ ಕುಸಿಯುತ್ತಿದೆ,'' ಎನ್ನುವ ಅಂಶಗಳನ್ನು ಟಾಟಾ ಸ್ಟೀಲ್‌ ಪರಾಮರ್ಶಿಸಿ ತೀರ್ಮಾನ ಕೈಗೊಂಡಿದೆ. ಮಾರಾಟ ಸಂಬಂಧ ಕೆಲವು ಕಂಪನಿಗಳ ಜತೆ ಮಾತುಕತೆಯೂ ನಡೆದಿದೆ.
ಯುರೋಪ್‌ನಲ್ಲಿರುವ ತನ್ನ ಉದ್ಯಮದ ಪ್ರಗತಿ ಪರಿಶೀಲಿಸಿರುವ ಟಾಟಾ ಸ್ಟೀಲ... ಮಂಡಳಿಯು, ಕಳೆದ 12 ತಿಂಗಳುಗಳಿಂದ ಬ್ರಿಟನ್‌ನಲ್ಲಿನ ಟಾಟಾ ಸ್ಟೀಲ... ಘಟಕ ಮಾರಾಟಕ್ಕೆ ನಿರ್ಧರಿಸಿದೆ. 12.1 ಶತಕೋಟಿ ಡಾಲರ್‌ಗಳ ವ್ಯವಹಾರದಲ್ಲಿ 2007ರಲ್ಲಿ ಕೋರಸ್‌ ಕಂಪನಿಯನ್ನು ಸ್ವಾಧೀನ ಪಡಿಸಿಕೊಂಡಿದ್ದ ಟಾಟಾ ಸ್ಟೀಲ್‌, ಇಲ್ಲಿನ ವ್ಯವಹಾರದಲ್ಲಿ ತೀವ್ರ ನಷ್ಟ ಅನುಭವಿಸಿದೆ.
ತಾತ್ಕಾಲಿಕ ಒಡೆತನಕ್ಕೆ ಸರಕಾರದ ಚಿಂತನೆ
ಟಾಟಾ ಸ್ಟೀಲ್‌ ಘಟಕವನ್ನು ತಾತ್ಕಾಲಿಕವಾಗಿ ತಾನೇ ನಿರ್ವಹಿಸಿ, ಇಲ್ಲಿನ ಸಾವಿರಾರು ಉದ್ಯೋಗಾವಕಾಶಗಳನ್ನು ಉಳಿಸಿಕೊಳ್ಳುವ ನಿಟ್ಟಿನಲ್ಲಿ ಬ್ರಿಟನ್‌ ಸರಕಾರ ಆಲೋಚನೆ ನಡೆಸುತ್ತಿದೆ. ತಾತ್ಕಾಲಿಕ ಒಡೆತನ ಸೇರಿದಂತೆ ಎಲ್ಲ ಆಯ್ಕೆಗಳನ್ನೂ ಹೊಂದಿರುವುದಾಗಿ ಸರಕಾರ ಹೇಳಿದೆ. ಬ್ರಿಟನ್‌ನಲ್ಲಿನ ಟಾಟಾ ಸ್ಟೀಲ್‌ ಘಟಕದಲ್ಲಿ 15,000 ಕೆಲಸಗಾರರು ಇದ್ದಾರೆ.
ಮುಂಬಯಿ : ಬ್ರಿಟನ್‌ನಲ್ಲಿ ತೀವ್ರ ನಷ್ಟ ಅನುಭವಿಸುತ್ತಿರುವ ತನ್ನ ಉದ್ಯಮವನ್ನು ಮಾರಾಟ ಮಾಡಲು ಟಾಟಾ ಸ್ಟೀಲ... ಮುಂದಾಗಿದೆ. ಇದರಿಂದ ಉದ್ಯಮ ನೆಚ್ಚಿಕೊಂಡಿದ್ದ ಸಾವಿರಾರು ಕಾರ್ಮಿಕರಲ್ಲಿ ಅಭದ್ರತೆ ನೆಲೆಯೂರಿದೆ.