ಹೊಸದಿಲ್ಲಿ: ಈ ವರ್ಷಕ್ಕೆ ಹೋಲಿಸಿದರೆ, ಮುಂದಿನ ಆರ್ಥಿಕ ವರ್ಷದಲ್ಲಿ ಭಾರತದ ಅಭಿವೃದ್ದಿ ದರ ಶೇ. 7.4ಕ್ಕೆ ಕುಸಿಯಲಿದೆ ಎಂದು ಏಷ್ಯಾ ಅಭಿವೃದ್ಧಿ ಬ್ಯಾಂಕ್‌(ಎಡಿಬಿ) ಹೇಳಿದೆ. ಕಳೆದ ವರ್ಷ ಭಾರತದ ಅಭಿವೃದ್ಧಿ ದರ ಶೇ.7.6ರಷ್ಟಿತ್ತು.
ಈ ಮೊದಲು 2016-17ನೇ ಸಾಲಿನಲ್ಲಿ ದೇಶದ ಪ್ರಗತಿ ದರ ಶೇ.7.8ರಷ್ಟಿರಲಿದೆ ಎಂದು ಅಂದಾಜಿಸಿದ್ದ ಎಡಿಬಿ, ಅದನ್ನು ಶೇ.7.4ಕ್ಕೆ ಇಳಿಕೆ ಮಾಡಿದೆ. ಆದಾಗ್ಯೂ, ಹೊಸ ಆರ್ಥಿಕ ನೀತಿಗಳು ಭಾರತದ ಆರ್ಥಿಕ ಬೆಳವಣಿಗೆಯನ್ನು ತ್ವರಿತಗೊಳಿಸಲಿವೆ ಎಂದೂ ಎಡಿಬಿ ಅಭಿಪ್ರಾಯ ಪಟ್ಟಿದೆ.
ಸರಕಾರಿ ನೌಕರರ ವೇತನ ಹೆಚ್ಚಳ ಮತ್ತು ತೈಲ ಬೆಲೆಯಲ್ಲಿ ಅಲ್ಪ ಏರಿಕೆ ಮತ್ತಿತರ ಕಾರಣಗಳಿಂದ ಗ್ರಾಹಕ ಹಣದುಬ್ಬರವು ಹೆಚ್ಚಳವಾಗುವ ನಿರೀಕ್ಷೆ ಇದೆ. ಜಾಗತಿಕ ಆರ್ಥಿಕ ವ್ಯವಸ್ಥೆ ದುರ್ಬಲಗೊಂಡು ರಫ್ತು ವಹಿವಾಟಿನ ಮೇಲೆ ಪರಿಣಾಮ ಬೀರುವ ಸಾಧ್ಯತೆ ಇದೆ ಎಂದು ಎಡಿಬಿ ಹೇಳಿದೆ.
ಭಾರತದ ವಿತ್ತ ಸಚಿವಾಲಯದ ಅಂದಾಜಿನ ಪ್ರಕಾರ, ದೇಶದ ಬೆಳವಣಿಗೆ ದರವು ಮುಂದಿನ ಹಣಕಾಸು ವರ್ಷದಲ್ಲಿ ಶೇ.7ರಿಂದ 7.75ರಷ್ಟು ಇರಲಿದೆ.
↧
ದೇಶದ ಪ್ರಗತಿ ದರ 7.4ಕ್ಕೆ ಕುಸಿತ: ಎಡಿಬಿ
↧