ಅದರಲ್ಲೂ ಹೋಳಿ ಸಂಭ್ರಮದ ವೇಳೆ ದುಷ್ಕೃತ್ಯ ಎಸಗಲು ಪಾತಕಿಗಳು ಹೊಂಚು ಹಾಕಿದ್ದು, ಪಠಾಣ್‌ಕೋಟ್ ಮೂಲಕ ಗಡಿ ದಾಟಿದ್ದಾರೆ ಎಂದು ತಿಳಿದುಬಂದಿದೆ.
ಪಾಕ್ ಮಾಜಿ ಯೋಧನಿಂದ ತರಬೇತಿ: ಮೊಹಮ್ಮದ್ ಖುರ್ಷಿದ್ ಆಲಂ ಅಲಿಯಾಸ್ ಜಹಂಗೀರ್ ಎಂಬ ಪಾಕಿಸ್ತಾನದ ಮಾಜಿ ಯೋಧ, ಅಸ್ಸಾಂನಲ್ಲಿ ಜಿಹಾದಿಗಳ ನೇಮಕಾತಿ ಹಾಗೂ ತರಬೇತಿ ಕೆಲಸದಲ್ಲಿ ತೊಡಗಿದ್ದ. ಈತ 6 ಉಗ್ರರೊಂದಿಗೆ ಫೆ.26ರಂದೇ ಗಡಿ ನುಸುಳಿದ್ದಾನೆ. 2015ರ ಸೆಪ್ಟೆಂಬರ್‌ನಲ್ಲಿ, ಅಸ್ಸಾಂನ ಬಾರ‌್ಪೇಟ ಮತ್ತು ಧುಬ್ರಿ ಜಿಲ್ಲೆಯಲ್ಲಿರುವ ಮದರಸಾಗಳಿಗೆ ಆಲಂ ಭೇಟಿ ನೀಡಿದ್ದ. ಈ ವೇಳೆ ಅಲ್ಲಿನ ಧರ್ಮಗುರುವೊಬ್ಬರು ಈತನ ಪ್ರಯಾಣಕ್ಕೆ ವ್ಯವಸ್ಥೆ ಮಾಡಿಕೊಟ್ಟಿದ್ದರು.
ಹೋಟೆಲ್, ಆಸ್ಪತ್ರೆಗಳು ಟಾರ್ಗೆಟ್:
''ದಿಲ್ಲಿಯಲ್ಲಿ ಹೋಟೆಲ್ ಹಾಗೂ ಆಸ್ಪತ್ರೆಗಳನ್ನು ಗುರಿಯಾಗಿಸಿಕೊಂಡು ದಾಳಿ ನಡೆಸುವ ಮೂಲಕ ಹೆಚ್ಚು ಪ್ರಾಣಹಾನಿ ಮಾಡುವುದು ಈ ತಂಡದ ಉದ್ದೇಶ,'' ಎಂದು ಮೂಲಗಳು ತಿಳಿಸಿವೆ.
ಹೊಸದಿಲ್ಲಿ: ದಿಲ್ಲಿಯಲ್ಲಿ ದಾಳಿ ನಡೆಸುವ ಉದ್ದೇಶದಿಂದ ಪಾಕಿಸ್ತಾನದ ಮಾಜಿ ಯೋಧ ಹಾಗೂ 6 ಉಗ್ರರು ಭಾರತ ಪ್ರವೇಶಿಸಿದ್ದಾರೆ ಎಂದು ಗುಪ್ತಚರ ಇಲಾಖೆ ಮಾಹಿತಿ ನೀಡಿದ್ದು, ಪಂಜಾಬ್ ಮತ್ತು ಅಸ್ಸಾಂನಲ್ಲಿ ಹೈ ಅಲರ್ಟ್ ಘೋಷಿಸಲಾಗಿದೆ.