ಗುರುವಾರ ಹೋಲಿ ಹಬ್ಬ, ಶುಕ್ರವಾರ ಗುಡ್ ಫ್ರೈಡೇ ಮತ್ತು ಶನಿವಾರ ಮತ್ತು ಭಾನುವಾರ ವಾರಾಂತ್ಯದ ರಜೆಗಳು(2ನೇ ಮತ್ತು 4ನೇ ಶನಿವಾರ ಬ್ಯಾಂಕ್‌ಗೆ ರಜೆ ಇದೆ) ಸೇರಿಕೊಂಡು ನಾಲ್ಕು ದಿನ ಬ್ಯಾಂಕ್ ವ್ಯವಹಾರ ಬಂದ್ ಆಗಲಿವೆ. ಆದಾಗ್ಯೂ, ಎಟಿಎಂಗಳಲ್ಲಿ ನಗದು ಕೊರತೆ ಉಂಟಾಗದಂತೆ ಕ್ರಮ ಕೈಗೊಂಡಿರುವುದಾಗಿ ಬ್ಯಾಂಕ್‌ಗಳು ಭರವಸೆ ನೀಡಿವೆ.
ಎಟಿಎಂಗಳಲ್ಲಿ ಸಾವಿರ, ಐನೂರು ಮೌಲ್ಯದ ನೋಟುಗಳನ್ನು ತುಂಬಿ, ಹೆಚ್ಚಿನ ಹಣವನ್ನು ಗ್ರಾಹಕರಿಗೆ ಒದಗಿಸಲು ಬ್ಯಾಂಕ್‌ಗಳು ಮುಂದಾಗಿವೆ.
ಐಡಿಬಿಐ ಬ್ಯಾಂಕ್ ಮುಷ್ಕರ:
ಐಡಿಬಿಐ ಬ್ಯಾಂಕ್‌ನ ಅಧಿಕಾರಿಗಳು ಮತ್ತು ಉದ್ಯೋಗಿಗಳು ಮಾ.28ರ ಸೋಮವಾರ ಮುಷ್ಕರಕ್ಕೆ ಕರೆ ನೀಡಿದ್ದು, ಇದರಿಂದಾಗಿ ನಾಲ್ಕು ದಿನಗಳ ಜತೆಗೆ ಸೋಮವಾರವೂ ಬ್ಯಾಂಕ್ ವ್ಯವಹಾರ ಸ್ಥಗಿತಗೊಳ್ಳುವ ಸಂಭವ ಇದೆ. ಬ್ಯಾಂಕ್ ಅನ್ನು ಖಾಸಗೀಕರಣಗೊಳಿಸುವ ಸರಕಾರದ ಕ್ರಮ ವಿರೋಧಿಸಿ ಮುಷ್ಕರಕ್ಕೆ ಕರೆ ನೀಡಲಾಗಿದೆ.
ಐಡಿಬಿಐ ಬ್ಯಾಂಕ್‌ನಲ್ಲಿ ಶೇ.80ರಷ್ಟು ಸರಕಾರದ ಒಡೆತನವಿದ್ದು, ಅದನ್ನು ಶೇ.50ಕ್ಕೂ ಕಡಿಮೆಗೆ ಇಳಿಸುವುದಾಗಿ ವಿತ್ತ ಸಚಿವ ಅರುಣ್ ಜೇಟ್ಲಿ ಬಜೆಟ್‌ನಲ್ಲಿ ಪ್ರಕಟಿಸಿದ್ದರು.
ಹೊಸದಿಲ್ಲಿ: ಈ ವಾರ ಬ್ಯಾಂಕ್‌ಗಳಿಗೆ ನಾಲ್ಕು ರಜೆಗಳಿದ್ದು, ಗ್ರಾಹಕರು ತಮ್ಮ ಬ್ಯಾಂಕ್ ವ್ಯವಹಾರಕ್ಕೆ ಸಮಯವನ್ನು ಹೊಂದಿಸಿಕೊಳ್ಳುವುದು ಅನಿವಾರ್ಯವಾಗಿದೆ.