ಕಬಾಲಿ ನಂತರ ಫೋಬಿಯಾದಲ್ಲಿ ರಾಧಿಕಾ

ಬಾಲಿವುಡ್ ತಾರೆ ರಾಧಿಕಾ ಆಪ್ಟೆ ನೂತನ ಹಿಂದಿ ಸಿನಿಮಾ 'ಫೋಬಿಯಾ'ದ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಇದೊಂದು ಸೈಕಾಲಾಜಿಕಲ್ ಥ್ರಿಲ್ಲರ್ ಕಥಾನಕವಾಗಿದ್ದು, ಈ ಮಾದರಿಯಲ್ಲಿ ರಾಧಿಕಾಗೆ ಇದು ಮೊದಲ ಪ್ರಯೋಗ. ಪ್ರಸ್ತುತ ಅವರು 'ಕಬಾಲಿ' ತಮಿಳು ಚಿತ್ರದಲ್ಲಿ ರಜನೀಕಾಂತ್ ಪತ್ನಿಯಾಗಿನಟಿಸುತ್ತಿದ್ದಾರೆ.
ಈಗ 'ಫೋಬಿಯಾ' ಸಿನಿಮಾ ಒಪ್ಪಿಕೊಂಡಿರುವ ರಾಧಿಕಾಗೆ 2016 ಶುಭಸೂಚನೆ ತಂದಿದೆ. ಕಳೆದ ವರ್ಷ ತೆರೆಕಂಡ 'ಮಾಂಝಿ - ದಿ ಮೌಂಟೈನ್ ಮ್ಯಾನ್' ಮತ್ತು 'ಅಹಲ್ಯಾ' ಚಿತ್ರಗಳಲ್ಲಿ ರಾಧಿಕಾ ಅತ್ಯುತ್ತಮ ಅಭಿನಯ ನೀಡಿದ್ದರು. ವಿಶೇಷವಾಗಿ 'ಅಹಲ್ಯಾ' ಕಿರುಚಿತ್ರ ಅವರಿಗೆ ದೊಡ್ಡ ಹೆಸರು

ತಂದುಕೊಟ್ಟಿತ್ತು. ಇದಕ್ಕೂ ಹಿಂದೆ ಬಿಡುಗಡೆಯಾದ 'ಹಂಟರ್' ಮತ್ತು 'ಬದ್ಲಾಪುರ್' ಚಿತ್ರಗಳಲ್ಲಿಯೂ ಅವರು ವಿಶ್ಲೇಷಕರ ಮೆಚ್ಚುಗೆಗೆ ಪಾತ್ರರಾಗಿದ್ದರು. ಈ ವರ್ಷದ ಎರಡು ಭಿನ್ನ ಪಾತ್ರಗಳು ರಾಧಿಕಾ ವೃತ್ತಿ ಬದುಕಿಗೆ ತಿರುವು ನೀಡಲಿವೆ ಎನ್ನಲಾಗುತ್ತಿದೆ.