ತಮಗೆ ನೀಡಬೇಕಾಗಿರುವ 50 ಲಕ್ಷ ರೂಪಾಯಿ ಸಂಭಾವನೆಯನ್ನು ಕೊಡದೆ ನಿರ್ಮಾಪಕರಾದ ಪಿ ಟಿ ಸೆಲ್ವಂ ಹಾಗೂ ಶಿಬು ಥಮೀನ್ಸ್ ಅವರು ವಂಚಿಸಿದ್ದಾರೆಂದು ಆರೋಪಿಸಿ ಮುಂಬಯಿ ನಿರ್ಮಾಪಕರ ಮಂಡಳಿಗೆ ಶ್ರೀದೇವಿ ದೂರು ನೀಡಿದ್ದಾರೆ.
ಮೂಲಗಳ ಪ್ರಕಾರ ಶ್ರೀದೇವಿ ಅವರು ಈ ಚಿತ್ರದಲ್ಲಿ ನಟಿಸಲು 5 ಕೋಟಿ ರೂಪಾಯಿ ಸಂಭಾವನೆ ಕೇಳಿದ್ದರು. ನಿರ್ಮಾಪಕರು ಈಗಾಗಲೇ 4.5 ಕೋಟಿ ರೂ. ನೀಡಿದ್ದು, 50 ಲಕ್ಷ ರೂ. ಬಾಕಿ ಹಣ ಕೊಡಬೇಕಾಗಿದೆ ಎನ್ನಲಾಗಿದೆ.
ಪುಲಿ ಚಿತ್ರದ ಬಿಡುಗಡೆಗೂ ಮುನ್ನ ಆದಾಯ ತೆರಿಗೆ ಅಧಿಕಾರಿಗಳು ನಟ ವಿಜಯ್ ಅವರ ಮನೆ ಮೇಲೆ ದಾಳಿ ನಡೆಸಿದ್ದರು, ಈ ವೇಳೆ ಇಬ್ಬರೂ ನಿರ್ಮಾಪಕರ ಬ್ಯಾಂಕ್ ಖಾತೆ ಹಾಗೂ ಕೆಲವು ಹಣಕಾಸು ವ್ಯವಹಾರಗಳ ಮೇಲೆ ಕಡಿವಾಣ ಹಾಕಿದ್ದು ಸಂಭಾವನೆ ನೀಡಲು ಅಡ್ಡಿಯಾಗಿದೆ ಎಂದು ತಿಳಿದುಬಂದಿದೆ.
ಶ್ರೀದೇವಿ ಅವರ ದೂರನ್ನು ಪರಿಗಣಿಸಿರುವ ತಮಿಳುನಾಡು ಚಿತ್ರ ನಿರ್ಮಾಪಕರ ಮಂಡಳಿಯು ವಿಚಾರಣೆ ನಡೆಸುತ್ತಿದೆ. ಪ್ರಸ್ತುತ ಶಿಬು ಥಮೀನ್ಸ್ ಅವರು ಶಸ್ತ್ರ ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಾಗಿದ್ದು, ದೂರು ಹಿನ್ನೆಲೆಯಲ್ಲಿ ಟ್ವಿಟರ್ ನಲ್ಲಿ ಪ್ರತಿಕ್ರಿಯೆ ನೀಡಿದ್ದಾರೆ. ಶಸ್ತ್ರ ಚಿಕಿತ್ಸೆ ನಂತರ ಶ್ರೀದೇವಿ ಅವರೊಂದಿಗಿನ ಹಣಕಾಸು ವ್ಯವಹಾರವನ್ನು ಇತ್ಯರ್ಥಪಡಿಸಿಕೊಳ್ಳುತ್ತೇನೆಂದು ಹೇಳಿಕೊಂಡಿದ್ದಾರೆ.
ಚೆನ್ನೈ: ಬಾಲಿವುಡ್‌ನ ಎವರ್ ಬ್ಯೂಟಿ ಕ್ವೀನ್ ಶ್ರೀ ದೇವಿ ಅವರು ಇತ್ತೀಚೆಗೆ ತಾವು ನಟಿಸಿದ ಪುಲಿ ಚಿತ್ರ ನಿರ್ಮಾಪಕರ ವಿರುದ್ಧ ದೂರು ದಾಖಲಿಸಿದ್ದಾರೆ.