ಈ ಗಂಡು ಮಗುವಿನ ತೂಕ 7 ಕೆಜಿ. ಆಸ್ಪತ್ರೆಗೆ ದಾಖಲಾದ 15 ನಿಮಿಷದಲ್ಲಿ ಸಹಜ ಹೆರಿಗೆಯ ಮೂಲಕ ಈ ಮಗು ಜನ್ಮ ತಾಳಿದೆ. ಹೆರಿಗೆ ನಂತರ ತಾಯಿ ಮಗು ಇಬ್ಬರೂ ಆರೋಗ್ಯವಾಗಿದ್ದಾರೆ ಎಂದು ವೈದ್ಯರು ತಿಳಿಸಿದ್ದಾರೆ.
ಉತ್ತರ ಪ್ರದೇಶದ ಒರಾಯ್‌ನಲ್ಲಿ ವಾಸವಿರುವ ಫಿರ್ದೋಸ್ ಖಟುನ್ ಅವರು ಜನ್ಮ ನೀಡಿರುವ ಒಂಬತ್ತನೇ ಮಗು ಇದು. ಇದುವರೆಗೆ ಅವರು ಯಾವುದೇ ಆಸ್ಪತ್ರೆಗೆ ದಾಖಲಾಗದೆ ಸೂಲಗಿತ್ತಿಯರ ನೆರವಿನೊಂದಿಗೆ ಮನೆಯಲ್ಲೇ ಎಂಟು ಮಕ್ಕಳಿಗೆ ಜನ್ಮ ನೀಡಿದ್ದರು. ಆದರೆ, ಈ ಸಾರಿ ಹೆರಿಗೆ ನೋವು ಜಾಸ್ತಿಯಾದ ಕಾರಣ ಮಗುವಿನ ತಂದೆ ಖಟುನ್ ಅವರನ್ನು ಆಸ್ಪತ್ರೆಗೆ ದಾಖಲಿಸಿದ್ದರು.
ರಾಜಸ್ಥಾನದಲ್ಲಿ ಕಳೆದ ತಿಂಗಳು ಜನಿಸಿದ್ದ ಮಗುವೊಂದು ಆರು ಕೆಜಿ ತೂಗುತ್ತಿತ್ತು. ಇದು ದೇಶದ ಅತಿ ತೂಕದ ಮಗು ಎಂಬ ಕೀರ್ತಿಗೆ ಪಾರಾಗಿತ್ತು. ಇದೇಗ ಆ ಮಗುವಿನ ದಾಖಲೆಯನ್ನು ಇದು ಮುರಿದಿದೆ.
ಭೀಮಕಾಯದ ಈ ಮಗು ಏಳು ಕೆಜಿ ತೂಗುತ್ತದೆ ಎಂಬ ಅಂದಾಜು ವೈದ್ಯರಿಗೂ ಕೂಡ ಇರಲಿಲ್ಲ. ''ಮಗು ಹೊರ ಬರುವಾಗ ಅದರ ಭುಜವು ಸಿಕ್ಕಿಹಾಕಿಕೊಂಡಿತ್ತು. ಅದು ಬಿಟ್ಟರೆ ಇನ್ಯಾವುದೇ ಸಮಸ್ಯೆ ಎದುರಾಗಲಿಲ್ಲ. ಹದಿನೈದು ನಿಮಿಷದಲ್ಲಿ ಆ ಮಗು ನನ್ನ ಕೈನಲ್ಲಿತ್ತು,'' ಎಂದು ಹೆರಿಗೆ ಮಾಡಿದ ವೈದ್ಯರು ಹೇಳಿದ್ದಾರೆ.
ಪಾಯಿಂಟ್ಸ್
* ಫಿರ್ದೊಸ್ ಖಟುನ್ ಅವರ ಒಂಬತ್ತನೇ ಮಗುವಾದ ಇದು 15 ನಿಮಿಷಗಳಲ್ಲಿ ಸಹಜ ಹೆರಿಗೆಯ ಮೂಲಕ ಜನಿಸಿದೆ.
* ಈ ಮಗುವು 7 ಕೆಜಿ ತೂಗುತ್ತಿದ್ದು, ದೇಶದ ಅತಿ ತೂಕದ ಮಗು ಎಂಬ ಕೀರ್ತಿಗೆ ಪಾತ್ರವಾಗಿದೆ.
* ಸ್ಥೂಲಕಾಯತೆಗೆ ಕಾರಣವಾಗುವ ಮಧುಮೇಹ ಈ ಮಗುವಿಗಿಲ್ಲ
* ರಾಜಸ್ತಾನದಲ್ಲಿ ಕಳೆದ ತಿಂಗಳು ಜನಿಸಿದ ಮಗುವೊಂದು 6 ಕೆಜಿ ತೂಗುತ್ತಿತ್ತು.
ಲಖನೌ: ಭಾರತದ ಅತಿ ತೂಕದ ಮಗು ಉತ್ತರ ಪ್ರದೇಶದಲ್ಲಿ ಜನಿಸುವ ಮೂಲಕ ಜಗತ್ತು ನೋಡುವ ಮುನ್ನವೇ ದಾಖಲೆ ಬರೆದಿದೆ.